Олон улсын хүмүүнлэгийн багийн хуралдаан боллоо
НҮБ-ын Монгол Улс дахь Суурин зохицуулагчийн ажлын алба болон түүний харьяа олон улсын байгууллагуудын Олон улсын хүмүүнлэгийн багийн ээлжит хуралдаан боллоо.
Хурлыг ОБЕГ-ын дэд дарга, бригадын генерал Б.Ууганбаяр, НҮБ-ын Суурин зохицуулагч ноён Тапан Мишра нар удирдан явуулж, цаг үеийн нөхцөл байдал, цаг агаарын урьдчилсан төлөв, үерийн аюулаас урьдчилан сэргийлэх, бэлэн байдлыг хангах чиглэлээр авч хэрэгжүүлж арга хэмжээний талаар Улсын онцгой комисс, Онцгой байдлын ерөнхий газар, Цаг уур, орчны шинжилгээний газрын мэдээллийг сонсож, Хүмүүнлэгийн тусламжийн багийн хүрээнд цаашид авч хэрэгжүүлэх арга хэмжээний талаар хэлэлцлээ.
Мөн энэ үеэр үер, усны аюулаас урьдчилан сэргийлэх, бэлтгэл, бэлэн байдлыг хангах чиглэлээр төрийн захиргааны байгууллага, яам, агентлаг зэрэг мэргэжлийн байгууллагыг оролцууулсан туршлага солилцох уулзалтыг зохион байгуулахаар боллоо.
.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/06/26
Шинэ мэдээБ.Отгонбаяр: Усанд хөл алдсан л бол биеэ сул тавих нь хамгийн зөв арга
Бид энэ удаад НОБГ-ын Аврах ангийн бүлгийн дарга, аврах ажиллагааны зааварлагч Б.Отгонбаяр ахлагчтай үндсэн бүлгийн хөдөлгөөнт эргүүлийн үйл ажиллагаанаас мэдээлэл бэлтгэлээ. Үдийн үед биднийг очиход тэдний баг үндсэн байршилдаа байсангүй. Ахлагчтай нь утсаар холбогдоход “Бид нар ойрхон урьдчилан сэргийлэх хэлтэстэйгээ хамтраад бичлэг хийж байна. Удахгүй дууслаа. Манай вагончигны ойролцоо байж байгаарай” гэв.
2024/06/26
Шинэ мэдээАминдаа хайргүй “усч” Монгол
Аялал зугаалгын цаг эхлэхээр айдас хүйдэс хүрэм нэг төрлийн мэдээллүүд хөвөрдөг болсоор удаж байна. Энэ нь усны осол. Харамсалтайгаар усанд живж, нас барж буй хүний тоо өдөр, хоногоор нэмэгдэж байна. Наймдугаар сарын 9-ний байдлаар 98 усны осол бүртгэгдэж, 85 иргэн амь насаа алджээ. Үүний 71 нь том хүн, 14 нь хүүхэд байна. Энхийн цагт ийм олон иргэнээ санамсар болгоомжгүй байдлаас болж алдана гэдэг ёстой л эмгэнэл юм. Тиймээс “Зууны мэдээ” сонин энэ удаагийн эрэн сурвалжлах нийтлэлээрээ усны ослын асуудлыг хөндөж байна.
2024/06/26
Шинэ мэдээХ.Чинзориг: Хүний цээж зургийг хар, цагаанаар ялган хайчилж, эсгий болон модоор гар урлал, сувинер хийдэг
“Онцгой мэдээ” сонины “Хобби” булангийн энэ удаагийн дугаарт Булган аймгийн Онцгой байдлын газрын Гал түймрийн улсын хяналтын ахлах байцаагч, хошууч Х.Чинзоригийг урилаа.
