БНХАУ-ын өмнөд хэсгээр үер бууж, хойд хэсгээр хэт халалт үргэлжилж байна

A- A A+

Хятадын өмнөд хэсэгт өчигдөр буюу мягмар гарагт орсон аадар борооны улмаас хөрсний гулгалт үүсч, есөн хүн амь үрэгдэж, тариалангийн талбай, байшингууд усанд автан, 11 мянга гаруй хүнийг нүүлгэн шилжүүлжээ. Тосгон бүхэлдээ тог цахилгаангүй болж, тариалангийн талбай бүхэлдээ шороонд булагдсан байна.

Мөн далайн эргийн Фужянь мужийн Вупинг хотод аадар борооны улмаас хөрсний гулгалт болж, дөрвөн хүн амиа алдаж, хоёр хүн сураггүй болохын зэрэгцээ 378 байшин нурж, 880 га (2,175 акр) тариалангийн талбай эвдэрч, Вупин хот 415 сая юань буюу 57.2 сая ам.доллар эдийн засгийн хохирол амссан гэж Синьхуа агентлаг мэдээллээ.

Түүнчлэн Хонконгтой хиллэдэг өмнөд хэсгийн Гуандун мужид болсон  хөрсний гулгалтын улмаас Мэйжоу хотод таван хүн амь насаа алдаж, 15 хүн сураггүй алга болсон байна.

Дээрх үерийн улмаас үүссэн нөхцөл байдалтай холбогдуулан  гурван нисдэг тэрэг, 200 гаруй бүрэлдэхүүнтэй аврах баг иргэдийг эрэн хайх, аврах, гамшигт нэрвэгдсэн газруудад тусламж хүргэж ажлыг зохион байгуулж байгаа юм.

Үүний зэрэгцээ сүүлийн өдрүүдэд нийслэл Бээжин зэрэг Хятадын хойд хэсгийн ихэнх хэсэгт хэт халалт явагдаж байгаа гэж Хятадын үндэсний цаг уурын товчооноос мэдээллээ.

Орчуулсан: Б.Гэрэлзаяа

Эх сурвалж:https://abcnews.go.com

Уг нийтлэлийн бүх текстүүдийг хуулах
Уг нийтлэлийн бүх зургийг татах

Бусад мэдээлэл

“Гамшгийн эрсдэлийн удирдлага” гарын авлагыг танилцуулах сургалтыг Ховд, Завхан аймагт зохион байгууллаа

Уур амьсгалын ногоон сангийн дэмжлэгтэйгээр хэрэгжүүлж буй “Монгол орны хөдөөгийн иргэдийн уур амьсгалын өөрчлөлтөд дасан зохицох чадавхыг бэхжүүлэх” (АДАПТ) төслийн хүрээнд “Гамшгийн эрсдэлийн удирдлага” гарын авлагыг 2023 онд гамшгийн эрсдэлийг бууруулах үндэсний болон орон нутгийн зөвлөл, гамшгаас хамгаалах албадын бүрэлдэхүүнд зориулан боловсруулсан.

Орон гэргүй болсон иргэдэд иж бүрэн гэр, хувцас хэрэглэл, эрүүл мэндийн багц хүлээлгэн өглөө

Сүхбаатар аймгийн Эрдэнэцагаан суманд гарсан хээрийн түймэрт 7 айл өрхийн гэр шатсан бөгөөд 153 толгой мал өртсөн гэх урьдчилсан дүн гараад байна.

Нийслэлийн хүрээний Гал түймэр унтраах, аврах ангийн салааны захирагч нарын сургалтыг зохион байгуулав

Сургалт танхим болон дадлага гэсэн хоёр хэлбэрээр явагдсан бөгөөд утаат орчинд гал түймэр унтраах хайгуулын ажиллагаа зохион байгуулах, амьсгалын бие даасан төхөөрөмжтэй ажиллах дадлага, сургалтыг Налайх дүүргийн Онцгой байдлын хэлтсийг түшиглэн хийсэн юм.

51-263581