ОБЕГ-ын Санхүү, ар талын газраас төв, орон нутгийн Онцгой байдлын байгууллагын санхүүгийн ажилтан, нягтлан бодогч нарын сургалтыг энэ сарын 06-07-ны өдрүүдэд зохион байгууллаа.

Сургалтад 80 гаруй алба хаагч хамрагдсан бөгөөд нээлтийн ажиллагаанд ОБЕГ-ын дэд дарга, бригадын генерал Д.Намсрай, Санхүү, ар талын газрын дарга, хурандаа Я.Гантөмөр нар оролцож, амжилт хүслээ.

Алба хаагчдад нийгмийн даатгалын ерөнхий хууль, шимтгэл, төлөлт, тэтгэвэр тэтгэмж, төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн шинэчилсэн найруулга, Онцгой байдлын байгууллагын санхүүгийн ажиллагаанд шинээр нэвтрүүлж байгаа санхүү бүртгэлийн программ зэрэг сэдвийн хүрээнд холбогдох мэргэжилтнүүд мэдээлэл өгч, нээлттэй хэлэлцүүлэг өрнүүлсэн юм.