Дотоод хэргийн их сургуулийн түүхт 90 жилийн ой, Онцгой байдлын байгууллага нэгдсэн тогтолцоонд шилжсэний 20 жилийн ойг тохиолдуулан Онцгой байдлын сургуулиас “Усанд сэлэлт”, “Усны поло” тэмцээнийг Усан спорт, сургалтын төвд зохион байгууллаа.

Жил бүр уламжлал болгон зохион байгуулдаг тус тэмцээнд 70 гаруй сонсогч, суралцагч оролцож хурд хүч авхаалж самбаагаа сорьж, аваргуудаа шалгаруулсан юм. “Усанд сэлэлт”-ийн тэмцээний эрэгтэй төрөлд тэргүүн байрт Цагдаагийн сургуулийн I баг, дэд байрт Онцгой байдлын сургуулийн I баг, гутгаар байрт Цагдаагийн сургуулийн IV баг тус тус шалгарлаа.

Харин "Усанд сэлэлт"-ийн эмэгтэй төрөлд тэргүүн байрыг Эрх зүй, нийгмийн ухааны сургууль, дэд байрыг Онцгой байдлын сургууль, гутгаар байрыг Ахлах сургуулийн баг эзэлсэн юм.

“Усны поло” тэмцээний төрөлд Онцгой байдлын сургуулийн 641, 631, 6321 дүгээр дамжааны баг тамирчид медальт байрыг тус тус эзэлж алт, мөнгө, хүрэл медаль, өргөмжлөл, мөнгөн шагналаар шагнууллаа.