ИНДОНЕЗИ УЛСАД ҮЕР БУУЖ, ХӨРСНИЙ ГУЛГАЛТ ҮҮССЭНИЙ УЛМААС 32 ХҮН АМЬ ЭРСЭДЖЭЭ
Индонез улсын баруун Суматра мужид уржигдар /2024.03.12/ их хэмжээний аадар бороо орж, үер буужээ. Үерийн улмаас хөрсний гулгалт үүсэж 32 хүн амь насаа алдсан тухай тус улсын Гамшгийн хор уршгийг арилгах үндэсний агентлаг мэдээлсэн байна. Тус агентлагийн мэдээлснээр, баруун Суматрагийн 12 мужийн таван хот, суурин газар үер, хөрсний гулгалтын аюулт үзэгдэлд өртөж 1500 гаруй байшин барилга, 10 орчим авто зам эвдэрчээ. Мөн 70 мянга орчим оршин суугч дүрвэсэн тул гамшгийн өндөржүүлсэн бэлэн байдал зарлаад байгаа аж.
Орчуулсан Б.Гэрэлзаяа
Эх сурвалж:Xinhuanews.cn https://english.news.cn/
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/03/21
Шинэ мэдээИрэх тавдугаар сарын цаг агаарын ерөнхий төлөв
Сарын эхэн үе буюу нэгдүгээр арав хоногийн эхээр нутгийн баруун болон төвийн нутгаар сэрүүсэж бороо, нойтон цас, цас орж, салхи шуургатай байна. Нэгдүгээр арав хоногийн сүүл, хоёрдугаар арав хоногийн эхээр ихэнх нутгаар температур сэрүүсэж, цасан болон шороон шуургатай. Аажмаар дулаарч сарын дунд үе буюу хоёрдугаар арав хоногийн дунд, сүүлч үеэр дулаарна. Сарын эхэн үеэр баруун аймгуудын нутгаар хур тунадас орох бөгөөд энэ үед салхины хурд нэмэгдэж, ширүүсэх төлөвтэй ба сарын нэгдүгээр арав хоногийн эхэн болон сүүлч, хоёрдугаар арав хоногийн эхэн үеэр зүүн болон говийн аймгуудын нутгаар, хоёрдугаар арав хоногийн дунд болон сүүлч, мөн сарын сүүлчээр ихэнх нутгаар хур тунадас орох буюу уулархаг газраар нойтон цас, говь тал хээрийн бүс нутгаар бороо орох төлөв гарчээ.
2024/03/21
Шинэ мэдээНисэгчгүй нисэх төхөөрөмжийн мэргэшүүлэх сургалтад хамрагдаж, гэрчилгээгээ гардан авлаа
Сургалтад Үндэсний аврах бригадын 9 алба хаагч хамрагдан хөтөлбөрийн дагуу онолын мэдлэг олгох, сургалтын симуляторын программыг хослуулан дадлагажих, ҮБХИС-ийн хээрийн сургалтын төвд DJI Phantom-4, Mavic Pro загварын дронуудыг ашиглан бодит дадлагыг хийж гүйцэтгэсэн юм.
2024/03/21
Шинэ мэдээГамшгийн эрсдэлийн удирдлага, үнэлгээ, дотоод ажил хариуцсан мэргэжилтнүүд сургалтад хамрагдлаа
Энэхүү сургалт нь Азийн хөгжлийн банкны дэмжлэгтэйгээр хэрэгжүүлсэн “Гамшгийн эрсдэлийн үнэлгээ, төлөвлөлт болон эрсдэл шилжүүлэх чадавхыг бэхжүүлэх төсөл”-ийн хүрээнд зохион байгуулагдснаараа онцлог юм.
