Ахлагчийн жилийн нээлтийг “Онцгой байдлын байгууллагын эмэгтэй ахлагч нарын чуулга уулзалт”-аар эхлүүллээ

A- A A+

Монгол Улсын Ерөнхийлөгч, Зэвсэгт хүчний ерөнхий командлагчийн санаачилгаар 2024 оныг Ахлагчийн жил болгон зарласан. Үүнтэй холбогдуулан Онцгой байдлын ерөнхий газраас ахлагчийн жилийн нээлтийг “Ахлагчийн алба-мэргэшсэн алба” уриан дор “Онцгой байдлын байгууллагын эмэгтэй ахлагч нарын чуулга уулзалт”-аар эхлүүллээ. 

ОБЕГ-ын дарга, хошууч генерал Г.Ариунбуян нээж хэлсэн үгэндээ “Онцгой байдлын байгууллагын нийт бие бүрэлдэхүүний 71.5 хувийг ахлагч бүрэлдэхүүн эзэлдэг бол ахлагч бүрэлдэхүүний 14.2 хувийг эмэгтэй алба хаагчид эзэлж байна. Сүүлийн жилүүдэд Онцгой байдлын байгууллагад үүрэг гүйцэтгэх эмэгтэй алба хаагчдын тоо нэмэгдэж байгаа нь тус байгууллагын үүрэг зориулалт, бие бүрэлдэхүүний бүтцэд гарч байгаа шинэ чиг хандлагын илэрхийлэл гэж ойлгож болно. Энэ ч үүднээс эмэгтэй алба хаагчдын манлайллыг нэмэгдүүлэх нь ёс суртахууны хэмжүүрт шаардлага төдийгүй нийгэм, эдийн засаг, улс төрийн хөгжил дэвшилд ч туйлын чухал учраас Монгол Улсын төр, засгаас хүн бүрийн тэгш боломж, тэгш эрхийг хангахын төлөө үе шаттай бодлогыг хэрэгжүүлсээр ирсэн. Цаашид ч энэ чиглэлд илүү анхаарах шаардлагатай байгаа юм” гэлээ.

Энэ үеэр ОБЕГ-ын Урьдчилан сэргийлэх газрын дарга, хурандаа Ц.Уранчимэг “Төрийн тусгай эмэгтэй алба хаагчдын онцлог”, ОБЕГ-ын Мэдээлэл технологийн хэлтсийн ахлах мэргэжилтэн, хошууч Г.Хатантуул “Орчин цагийн харилцаа, холбоо”, Хүний нөөцийн судалгааны үндэсний хүрээлэнгийн багш Н.Цогжавхлан “Аз жаргалтай ажлын байр” сэдвээр мэдээлэл хийлээ. 

Мөн алба хаагчид УОК-ын Шуурхай штаб болон ОБЕГ-ын дэргэдэх Шуурхай удирдлага, зарлан мэдээллийн төв-119 дүгээр үйл ажиллагаатай танилцсан юм.

Онцгой байдлын байгууллагын эмэгтэй ахлагч нарын чуулга уулзалтад төв, орон нутгийн Онцгой байдлын байгууллагын 70 орчим алба хаагч оролцож байгаа бөгөөд чуулга уулзалт энэ сарын 05-ныг хүртэл үргэлжилнэ гэж Онцгой байдлын ерөнхий газраас мэдээллээ.

Уг нийтлэлийн бүх текстүүдийг хуулах
Уг нийтлэлийн бүх зургийг татах

Бусад мэдээлэл

Энхийг сахиулах ажиллагаанд үүрэг гүйцэтгэсэн алба хаагчдыг хүлээн авч уулзлаа

Энхийг сахиулах ажиллагаанд үүрэг гүйцэтгэсэн алба хаагчдыг хүлээн авч уулзлаа

Зудын эрсдэлийг бууруулах бэлтгэл, бэлэн байдлыг сайтар хангахыг үүрэг болголоо

Монгол Улсын Шадар сайд Н.Номтойбаяр ОБЕГ болон Улсын онцгой комиссын шуурхай штабт ажиллаж, 2026-2027 оны өвөлжилтийн бэлтгэл, гамшгийн эрсдэлийн үнэлгээ, хариу арга хэмжээний бэлэн байдалтай танилцан, холбогдох үүрэг, чиглэлийг өглөө.

“Химийн бодисын хууль, эрх зүйн орчин” сэдэвт олон улсын семинарт оролцлоо

“Химийн бодисын хууль, эрх зүйн орчин” сэдэвт олон улсын семинарт оролцлоо