Цаг агаар: 

Өнгөрсөн хоногт: Баянхонгор, Говь-Алтай, Дархан-Уул, Орхон, Өвөрхангай, Сэлэнгэ, Төв аймгийн зарим газраар цас орж, Баянхонгор, Өвөрхангай аймгийн зарим газраар явган шуурга шуурсан. Бусад нутгаар тогтуун байлаа.

Өнөөдөр: Ихэнх нутгаар солигдмол үүлтэй. Нийт нутгаар цас орохгүй. Нутгийн хойд хэсгээр баруун хойноос, бусад нутгаар баруун өмнөөс 5-10 м/с, Алтайн уулархаг нутгаар 12-14 м/с хүрч ширүүснэ. Дархадын хотгор, Тэс голын хөндийгөөр -25-30 градус, Увс нуурын хотгор, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр голын хөндийгөөр -18-23 градус, Их нууруудын хотгор, говийн бүс нутгийн өмнөд хэсгээр -6-11 градус, бусад нутгаар -11-16 градус хүйтэн байна.

Улаанбаатар хотод: Үүлшинэ, цас орохгүй. Салхи баруун өмнөөс 4-9 м/с, -11-13 градус хүйтэн байна.

Гал түймэр: Объектын түймэр:

- Улаанбаатар хот, Баянзүрх дүүрэг. 2 дугаар хороо, Дарь-Эхийн 1 дүгээр гудамжинд байшин шатаж байна гэсэн дуудлагыг 02.22-ны өдрийн 17:23 цагт хүлээн авсан. Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчид 3 км замыг туулан 17:32 цагт очиход тус тоотод иргэн П-ийн 5х10 метрийн хэмжээтэй байшингийн дээвэр хэсэг, иргэн Б-ын 5х7 метрийн хэмжээтэй байшингийн дээвэр хэсэг тус тус шатаж байсныг 35 минут ажиллаж унтраасан.

- Дорноговь аймаг, Замын-Үүд сум. Соёмбо багийн “Хилийн 3 дугаар хаалт” гэдэг газар  ачааны автомашин шатаж байна гэсэн дуудлагыг 02.22-ны өдрийн 19:46 цагт хүлээн авсан. Тус аймгийн Онцгой байдлын газрын Замын-Үүд сум дахь Онцгой байдлын хэлтсийн Гал түймэр унтраах, аврах 17 дугаар ангийн алба хаагчид, 3 км замыг туулан 19:50 цагт очиход БНХАУ-ын Эрээн хотоос Улаанбаатар хотын чиглэлд ачаа тээвэрлэж явсан иргэн Д-ын “Volvo FH12” загварын зүтгүүр болон тээвэрлэж явсан 26 тн ачаанаас 8 тн орчим бараа материал шатаж байсныг 1 цаг 13 минут ажиллаж унтраасан. 

- Улаанбаатар хот, Баянзүрх дүүрэг. 37 дугаар хороо, 3 дугаар гудамжинд гэр шатаж байна гэсэн дуудлагыг 02.22-ны өдрийн 19:57 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн алба хаагчид 3 км замыг туулан 20:01 цагт очиход иргэн Н-ийн 5 ханатай гэр, эд хогшил шатаж байсныг 20 минут ажиллаж унтраасан.

- Булган аймаг, Булган сум. Ачуут багийн Тамгын толгой хэсэгт амбаар шатаж байна гэсэн дуудлагыг 02.23-ны өдрийн 02:27 цагт хүлээн авсан. Тус аймгийн Онцгой байдлын газрын Гал түймэр унтраах, аврах 20 дугаар ангийн алба хаагчид 2.5 км зам туулан 02:31 цагт очиход иргэн С-ын 6х13 метрийн хэмжээтэй байшингийн үүдний хэсэг болон залгаа 4х5 метрийн хэмжээтэй үүдний амбаарын дээврийн хэсэг шатаж байсныг 47 минут ажиллаж унтраасан. Уг гал түймэрт иргэн Х/2 сартай, эрэгтэй/ угаартсан байсныг эмнэлэгийн байгууллагад шилжүүлэн өгсөн. 

-Ховд аймаг, Жаргалант сум. Хайрхан багийн 12 дугаар гудамжинд өвс шатаж байна гэсэн дуудлагыг 02.23-ны өдрийн 03:56 цагт хүлээн авсан. Тус аймгийн Онцгой байдлын газрын Гал түймэр унтраах, аврах 48 дугаар ангийн алба хаагчид 4 км замыг туулан 04:00 цагт очиход тус иргэн Б-ын 30 ширхэг боодлын өвс шатаж байсныг 15 минут ажиллаж унтраасан.

Хүний үйл ажиллагаатай холбоотой осол. Цасанд суусан: 

- Өвөрхангай аймаг, Хужирт сум. Шивээт багийн "Самбартай хөтөлийн-Өвөр” гэдэг газар /аймгийн төвөөс хойд зүгт 70 км-т, сумын төвөөс зүүн хойд зүгт 3 км-т/ Бат-Өлзий сумаас Хужирт сумын чиглэлд зорчиж явсан 4 зорчигчтой суудлын автомашин цасанд суусан тухай дуудлагыг 02.23-ны өдрийн 02:44 цагт хүлээн авсан. Тус аймгийн Онцгой байдлын газрын Хужирт сум дахь Эрэн хайх, аврах бүлгийн алба хаагчид 3 км замыг туулан  цагт 03:09 цагт очиход иргэн Э-ын  “Тоёота приус 20” загварын суудлын автомашин автомашин цасанд суусан байсныг 10 минут ажиллаж татан гаргасан.

- Өвөрхангай аймаг, Хужирт сум. Бэрх багийн “Чухалын-Ам  гэдэг газар /аймгийн төвөөс хойд зүгт 78 км-т, сумын төвөөс  хойд зүгт 8 км-т/ Хужирт сумаас Луус гэдэг газрын чиглэлд зорчиж явсан 4 зорчигчтой ачааны автомашин цасанд суусан тухай дуудлагыг 02.23-ны өдрийн 04:08 цагт хүлээн авсан. Тус аймгийн Онцгой байдлын газрын Хужирт сум дахь Эрэн хайх, аврах бүлгийн алба хаагчид 8 км замыг туулан 05:06 цагт очиход иргэн Б-ийн “Хьюндай портер” загварын ачааны автомашин цасанд суусан байсныг 40 минут ажиллаж татан гаргасан.

- Увс аймаг, Тариалан сум. Хөхөө багийн "Бураатын сай" гэдэг газар /аймгийн төвөөс урд зүгт 10 км-т, сумын төвөөс хойд зүгт 20 км-т/ суудлын автомашин цасанд суусан тухай дуудлагыг 02.23-ны өдрийн 05:55 цагт хүлээн авсан. Тус аймгийн Онцгой байдлын газрын Эрэн хайх аврах бүлгийн алба хаагчид 10 км замыг туулан 06:40 цагт очиход иргэн О-ын  “Тоёота приус 20” загварын суудлын автомашин цасанд сууж, автомашиныг гаргах боломжгүй байсан тул орхиж, жолоочийг аймгийн төвд авчирсан.

                   ОНЦГОЙ БАЙДЛЫН ЕРӨНХИЙ ГАЗАР