Архангай аймгийн Хангай суманд ажиллалаа
Засгийн газрын шийдвэрээр хаваржилт хүндэрсэн аймгуудад тусламж үзүүлэх Шуурхай бүлгүүдийг байгуулсан, сайд нар ахлан ажиллаж байна. Монгол Улсын Ерөнхий сайд Л.Оюун-Эрдэнэ тэргүүтэй албаныхан өнөөдөр Архангай аймгийн Хангай суманд ажиллалаа.
Зудын эрсдэлийн үнэлгээгээр тус аймгийн 11 суманд “цагаан зуд"-ын нөхцөл үүссэний нэг нь Хангай юм. Энэ үеэр Хойд хөндийн өвөлжөө болон Зоо хөндийд өвөлжиж байгаа малчидтай уулзаж, өвөлжилт, хаваржилтын нөхцөл байдалтай танилцлаа.
Монгол Улсын Засгийн газар, монголчууд малчидтайгаа сэтгэлээрээ хамт байгаа гэдгийг онцлоод тулгамдсан асуудлыг нь сонсож, цаашид мал, малчдад шаардлагатай зүйлсийн талаар санал солилцсон юм.
Архангай аймгийн хэмжээнд 19 сумын 101 багийн 19.7 мянган малчин өрхийн 4.8 сая толгой мал хаваржиж байна. Энэ сарын 19-ний байдлаар 58 мянга гаруй толгой мал хорогдсон бөгөөд Хангай, Эрдэнэмандал, Цахир, Хайрхан, Өндөр-Улаан суманд малын хорогдол илүү байна.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/02/21
Шинэ мэдээБаянгол дүүргийн Онцгой байдлын хэлтсийн алба хаагчид тэргүүллээ
Тэмцээний нийлбэр дүнгээр Баянгол дүүргийн Онцгой байдлын хэлтсийн алба хаагчид тэргүүлж, Багануур дүүргийн Онцгой байдлын хэлтэс, Багахангай дүүргийн Онцгой байдлын хэлтсийн алба хаагчид удаалсан байна.
2024/02/21
Шинэ мэдээАлба хаагчид мэргэжлийн ур чадвараа сорьж байна
Тэмцээнд нийслэлийн хүрээний анги, байгууллагын 10 баг оролцож, ажил, мэргэжлийн онцлогийг харуулсан даалгаврыг гүйцэтгэн, ур чадвараа сорьж байгаа юм.
2024/02/21
Шинэ мэдээТоног төхөөрөмжийг хүлээлгэн өгч, төслийн талаар хэлэлцлээ
Энэ үеэр НҮБ-ын Хүүхдийн сангаас хоёр усны дрон хүлээлгэн өгсөн бөгөөд тус дрон нь агаарын температурын -10-аас +50 градуст 200 метрийн усны гүнд хайгуул хийх, аврах ажиллагааг шуурхай зохион байгуулах, аврагчдын аюулгүй байдлыг хангах, усны объектуудыг илрүүлэх, усны чанар шалгах зэрэг олон төрлийн үйл ажиллагаанд ашиглагдах боломжтой гэдгээрээ онцлог юм.
