Сургалт бэлтгэлийн нэгдсэн төлөвлөгөөний дагуу 63 төрлийн сургалт, дадлагыг зохион байгуулна
Онцгой байдлын байгууллага 2026 оны сургуулийн жилдээ алба хаагчид хуулиар хүлээсэн үүргээ амжилттай биелүүлэх, сурч хөгжих, мэдлэг, мэргэжлийн ур чадварыг нэмэгдүүлэх, мэргэших, бие бялдар, сэтгэл зүйн бэлтгэлээ хангах зорилгоор сургуулийн жилийн нээлтийг өнөөдөр нэгдсэн журмаар танхим болон цахим хэлбэрээр зохион байгууллаа.
Нээлтийн ажиллагаанд ОБЕГ-ын дэд дарга, хурандаа Ц.Уранчимэг оролцож, хэлсэн үгэндээ "Онцгой байдлын ерөнхий газрын даргын 2025 оны А/191 дүгээр тушаалаар байгууллагын сургалт, бэлтгэлийн бодлого, журам, хөтөлбөрийг шинэчлэн баталж, сургалтыг илүү оновчтой, бодит үр дүнтэй, орчин үеийн шаардлагад нийцүүлсэн. Шинэчлэгдсэн бодлогын хүрээнд сургалтыг танхимын, дадлагын, цахим, бие даан суралцах, тактик, тархалтын хэлбэрээр зохион байгуулж, орон нутаг, нэгж бүрийн онцлогт тохируулан хэрэгжүүлж байгаа нь бодит ахиц авчирсан байна. Өнгөрсөн 2025 онд төлөвлөгөөт 53 сургалтад 1887, төлөвлөгөөт бус 8 сургалтад 817 алба хаагчийг хамруулан, сургалтын тоо 13 хувь, сургалтад хамрагдсан алба хаагчдын тоо 81.8 хувиар өссөн байна. Төв, орон нутгийн нэгжүүд давхардсан тоогоор 7521 удаагийн, 27.728 цагийн сургалтыг зохион байгуулж, давхардсан тоогоор 136.599 алба хаагчийг хамруулсан байна" гэлээ.
Онцгой байдлын байгууллагын бие бүрэлдэхүүний 2026 оны сургалт бэлтгэлийн нэгдсэн төлөвлөгөөний дагуу хүний нөөцийг мэргэшүүлэх сургалт, бүсийн болон команд штабын дадлага, гадаад улс, олон улсын байгууллагатай хамтарсан сургууль, дадлага, бие бялдрын болон спортын тэмцээн уралдаан зэрэг нийт 63 төрлийн сургалт, дадлагыг зохион байгуулахаар төлөвлөөд байна.
Сургуулийн жилийн нээлтийн хүрээнд ОБЕГ-ын Гамшгаас хамгаалах сургалтын газрын дарга, хурандаа Х.Сүхбаатар "Сургалт, бэлтгэлийн нэгдсэн төлөвлөлт, гол үзүүлэлт, хэрэгжилтийн зохион байгуулалт", мөн газрын ахлах мэргэжилтэн, ахмад Т.Үлэмж "Хөдөлмөрийн аюулгүй байдал, эрүүл ахуйн анхан шатны зааварчилгаа", Захиргаа, эрх зүй, хүний нөөцийн газрын хэлтсийн дарга, дэд хурандаа Д.Хонгор "Амилуулах суурь төхөөрөмж", Авлигатай тэмцэх газрын Урьдчилан сэргийлэх, соён гэгээрүүлэх хэлтсийн ажилтан, комиссар М.Жамъянчойжил "Ашиг сонирхлын зөрчил, ёс зүй, хариуцлага, анхаарах асуудал" сэдвийн хүрээнд мэдээлэл өглөө.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2026/01/19
Шинэ мэдээСумдын халаалтын төвүүдийн засвар, шинэчлэлийг бүрэн хийж, хувийн хэвшил рүү менежментийг нь шилжүүлсэн гэдгийг онцоллоо
Сумдын халаалтын төвүүдийн засвар, шинэчлэлийг бүрэн хийж, хувийн хэвшил рүү менежментийг нь шилжүүлснээр төрийн ачаалал буурч, эдийн засгийн үр ашигтай ажиллаж эхэлсэн гэдгийг энэ үеэр танилцууллаа.
2026/01/19
Шинэ мэдээЦэнхэр бүсэд гал түймэр гарсан үед хариу арга хэмжээний дадлага сургуулийг зохион байгууллаа
“Цөлжилттэй тэмцэх тухай НҮБ-ын конвенцын талуудын 17 дугаар бага хурал (COP17) зохион байгуулах цэнхэр бүсэд гал түймэр гарсан үед хариу арга хэмжээ зохион байгуулах дадлага, сургуулийг зохион байгууллаа.
2026/01/19
Гадаад мэдээЕвропт аагим халуун өдрүүд үргэлжилж байна
БУДАПЕШТ, 2026 оны наймдугаар сарын 6 /Reuters/. Австри улсад лхагва гарагт агаарын хэм түүхэн дээд хэмжээнд хүрч халжээ. Түүнчлэн аагим халуун, ган гачгийн улмаас төв болон өмнөд Европт ихээхэн хүндрэл үүсэж, Унгар улсад эрчим хүчний хэрэглээг хязгаарлажээ. Дэлхийд хамгийн эрчимтэй дулаарч буй Европ тивд энэ зун түүхэнд үзэгдээгүйгээр халж, Франц, Испани улсууд түймрийн гамшигт өртөөд байна. Аагим халуун агаарын урсгал зүүн зүгт шилжиж, Италийн зарим нутагт Цельсийн +40 хэм хүрсэн тул томоохон хотуудад улаан түвшний сэрэмжлүүлэг зарлажээ. Албани улсын онцгой байдлын албаныхан Маллакастер мужийн өмнөд хэсэгт дэгдсэн ойн түймрийг унтраахаар ажиллаж байна. Хэт халуунаас болж Ватиканы Пап лам Лео долоо хоног тутмын айлтгалаа Ариун Петрийн талбайд бус харин дотор танхимд хийхээс аргагүйд хүрчээ. Ромд ирсэн жуулчид энэ шийдвэрийг "бүгчим халуунаас түр боловч зугтах боломж" хэмээн талархан хүлээн авчээ. Словактай залгаа хилийн орчимд орших Австрийн Бад Дойч-Альтенбург хотод агаарын хэм +41.2 °C хүрснийг тус улсын үндэсний цаг уурын алба бүртгэжээ. Түүнчлнэ мягмар гарагт Вена хотын орчимд +41.0 °C хүрч халсан байна.
