ОБЕГ-ын Эрсдэлийн удирдлагын газрын хэлтсийн дарга, докторант, хурандаа Д.Базаррагчаа “Хот суурин газрын гамшгийг даван туулах чадавхыг бэхжүүлэх арга зам” сэдвээр гамшиг судлалын докторын зэрэг хамгааллаа.

Монгол Улсын эдийн засгийн тогтвортой хөгжил, иргэдийг эрүүл, аюулгүй амьдрах эрхийг хангах гол асуудлын нэг нь байгалийн болон хүний үйл ажиллагаанаас үүдэлтэй гамшгийг даван туулах чадавхыг бэхжүүлэх, нэн ялангуяа хүн амын төвлөрөл, дэд бүтэц, барилга байгууламж ихтэй хот суурин газрын гамшгийн эрсдэлийг бууруулж, гамшгийг даван туулах чадавхыг бэхжүүлэх явдал юм.

Тиймээс докторын зэрэг хамгаалсан сэдвийн хүрээнд дэвшүүлсэн стратеги үйл ажиллагааны санал, хотын гамшгийг даван туулах чадавхыг үнэлэх аргачлал нь хот суурин газрын гамшгийг даван туулах чадавхыг бэхжүүлэхэд чухал ач холбогдлыг бий болгож байна.

Хурандаа Д.Базаррагчаа нь Онцгой байдлын байгууллагаас ДХИС-д Гамшиг судлалын докторын зэрэг хамгаалсан 5 дахь эмэгтэй алба хаагч боллоо.