“А” үнэлгээтэй дүгнэгдсэн газруудад батламж гардуулж, гүйцэтгэлийн төлөвлөгөөг баталлаа
Онцгой байдлын байгууллагын удирдах ажилтны цугларалт төв, орон нутгийн Онцгой байдлын байгууллагын дарга, захирагч нарын 2026 оны гүйцэтгэлийн төлөвлөгөөг баталснаар өндөрлөлөө.
Энэ үеэр өнгөрсөн 2025 оны зорилтыг хэрэгжүүлэхэд манлайлан ажиллаж, “А” үнэлгээтэй дүгнэгдсэн Баянхонгор, Увс, Өмнөговь, Хэнтий аймгийн Онцгой байдлын газруудад “Батламж” гардуулсан юм.
Онцгой байдлын байгууллагаас 2026 онд “Гамшгаас хамгаалах эрх зүйн орчныг боловсронгуй болгож, байгууллагын үйл ажиллагааны чанар, хүртээмжийг нэмэгдүүлэх”, “Алба хаагчдын бэлтгэл, бэлэн байдал, сахилга хариуцлага, ажлын үр дүн, бүтээмжийг дээшлүүлнэ” гэсэн хоёр зорилтыг дэвшүүлээд байна.
ОБЕГ-ын дарга, хошууч генерал Г.Ариунбуян, дэвшүүлсэн зорилт, бодлогын үйл ажиллагааг хэрэгжүүлэх, гамшгаас хамгаалах төрийн үйлчилгээг шуурхай хүргэх, албаны бэлтгэл, бэлэн байдлыг дээшлүүлэхэд шинэ санаа, шинэлэг инновацыг нэвтрүүлэхэд онцгойлон анхаарч ажиллахыг үүрэг болгоод, ажлын амжилт хүслээ.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2026/01/14
Шинэ мэдээСумдын халаалтын төвүүдийн засвар, шинэчлэлийг бүрэн хийж, хувийн хэвшил рүү менежментийг нь шилжүүлсэн гэдгийг онцоллоо
Сумдын халаалтын төвүүдийн засвар, шинэчлэлийг бүрэн хийж, хувийн хэвшил рүү менежментийг нь шилжүүлснээр төрийн ачаалал буурч, эдийн засгийн үр ашигтай ажиллаж эхэлсэн гэдгийг энэ үеэр танилцууллаа.
2026/01/14
Шинэ мэдээЦэнхэр бүсэд гал түймэр гарсан үед хариу арга хэмжээний дадлага сургуулийг зохион байгууллаа
“Цөлжилттэй тэмцэх тухай НҮБ-ын конвенцын талуудын 17 дугаар бага хурал (COP17) зохион байгуулах цэнхэр бүсэд гал түймэр гарсан үед хариу арга хэмжээ зохион байгуулах дадлага, сургуулийг зохион байгууллаа.
2026/01/14
Гадаад мэдээЕвропт аагим халуун өдрүүд үргэлжилж байна
БУДАПЕШТ, 2026 оны наймдугаар сарын 6 /Reuters/. Австри улсад лхагва гарагт агаарын хэм түүхэн дээд хэмжээнд хүрч халжээ. Түүнчлэн аагим халуун, ган гачгийн улмаас төв болон өмнөд Европт ихээхэн хүндрэл үүсэж, Унгар улсад эрчим хүчний хэрэглээг хязгаарлажээ. Дэлхийд хамгийн эрчимтэй дулаарч буй Европ тивд энэ зун түүхэнд үзэгдээгүйгээр халж, Франц, Испани улсууд түймрийн гамшигт өртөөд байна. Аагим халуун агаарын урсгал зүүн зүгт шилжиж, Италийн зарим нутагт Цельсийн +40 хэм хүрсэн тул томоохон хотуудад улаан түвшний сэрэмжлүүлэг зарлажээ. Албани улсын онцгой байдлын албаныхан Маллакастер мужийн өмнөд хэсэгт дэгдсэн ойн түймрийг унтраахаар ажиллаж байна. Хэт халуунаас болж Ватиканы Пап лам Лео долоо хоног тутмын айлтгалаа Ариун Петрийн талбайд бус харин дотор танхимд хийхээс аргагүйд хүрчээ. Ромд ирсэн жуулчид энэ шийдвэрийг "бүгчим халуунаас түр боловч зугтах боломж" хэмээн талархан хүлээн авчээ. Словактай залгаа хилийн орчимд орших Австрийн Бад Дойч-Альтенбург хотод агаарын хэм +41.2 °C хүрснийг тус улсын үндэсний цаг уурын алба бүртгэжээ. Түүнчлнэ мягмар гарагт Вена хотын орчимд +41.0 °C хүрч халсан байна.
