“Обьектын болон ой, хээрийн гал түймрийн үед авч хэрэгжүүлсэн арга хэмжээ” сэдэвт сургалт зохион байгууллаа
Онцгой байдлын ерөнхий газрын Гал түймэртэй тэмцэх газрын Гал унтраах хэлтсийн дарга, хурандаа П.Соронзонболд, мөн хэлтсийн Ой, хээрийн түймэр хариуцсан ахлах мэргэжилтэн, дэд хурандаа Б.Баттүвшин нар Онцгой байдлын сургуулийн багшлах бүрэлдэхүүн болон сонсогч, суралцагчдад “Обьектын болон ой, хээрийн гал түймрийн үед авч хэрэгжүүлсэн арга хэмжээ” сэдэвт сургалтыг өнөөдөр /2026.01.09/ зохион байгууллаа.
Монгол Улсын нутаг дэвсгэрт тохиолдсон обьектын болон ой, хээрийн гал түймрийн бодит жишээн дээр тулгуурлан гал түймрийн үүссэн шалтгаан нөхцөл, гал түймрийн тархалтын онцлог, унтраах үйл ажиллагааны удирдлага, зохион байгуулалт, ажиллагааны давуу болон сул талыг онолын мэдлэг, практик туршлагатай уялдуулан дүн шинжилгээ хийж, анхаарах асуудлаар санал солилцсон юм.
Мөн шинэчлэн батлагдсан дүрэм, журам, стандарын өөрчлөлтийг танилцуулж Онцгой байдлын байгууллагаас авч хэрэгжүүлж буй арга хэмжээ, зорилго, зорилтыг танилцууллаа.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2026/01/09
Шинэ мэдээСумдын халаалтын төвүүдийн засвар, шинэчлэлийг бүрэн хийж, хувийн хэвшил рүү менежментийг нь шилжүүлсэн гэдгийг онцоллоо
Сумдын халаалтын төвүүдийн засвар, шинэчлэлийг бүрэн хийж, хувийн хэвшил рүү менежментийг нь шилжүүлснээр төрийн ачаалал буурч, эдийн засгийн үр ашигтай ажиллаж эхэлсэн гэдгийг энэ үеэр танилцууллаа.
2026/01/09
Шинэ мэдээЦэнхэр бүсэд гал түймэр гарсан үед хариу арга хэмжээний дадлага сургуулийг зохион байгууллаа
“Цөлжилттэй тэмцэх тухай НҮБ-ын конвенцын талуудын 17 дугаар бага хурал (COP17) зохион байгуулах цэнхэр бүсэд гал түймэр гарсан үед хариу арга хэмжээ зохион байгуулах дадлага, сургуулийг зохион байгууллаа.
2026/01/09
Гадаад мэдээЕвропт аагим халуун өдрүүд үргэлжилж байна
БУДАПЕШТ, 2026 оны наймдугаар сарын 6 /Reuters/. Австри улсад лхагва гарагт агаарын хэм түүхэн дээд хэмжээнд хүрч халжээ. Түүнчлэн аагим халуун, ган гачгийн улмаас төв болон өмнөд Европт ихээхэн хүндрэл үүсэж, Унгар улсад эрчим хүчний хэрэглээг хязгаарлажээ. Дэлхийд хамгийн эрчимтэй дулаарч буй Европ тивд энэ зун түүхэнд үзэгдээгүйгээр халж, Франц, Испани улсууд түймрийн гамшигт өртөөд байна. Аагим халуун агаарын урсгал зүүн зүгт шилжиж, Италийн зарим нутагт Цельсийн +40 хэм хүрсэн тул томоохон хотуудад улаан түвшний сэрэмжлүүлэг зарлажээ. Албани улсын онцгой байдлын албаныхан Маллакастер мужийн өмнөд хэсэгт дэгдсэн ойн түймрийг унтраахаар ажиллаж байна. Хэт халуунаас болж Ватиканы Пап лам Лео долоо хоног тутмын айлтгалаа Ариун Петрийн талбайд бус харин дотор танхимд хийхээс аргагүйд хүрчээ. Ромд ирсэн жуулчид энэ шийдвэрийг "бүгчим халуунаас түр боловч зугтах боломж" хэмээн талархан хүлээн авчээ. Словактай залгаа хилийн орчимд орших Австрийн Бад Дойч-Альтенбург хотод агаарын хэм +41.2 °C хүрснийг тус улсын үндэсний цаг уурын алба бүртгэжээ. Түүнчлнэ мягмар гарагт Вена хотын орчимд +41.0 °C хүрч халсан байна.
