“Шилдэг бүтээл 2025” уралдааны хоёр төрөлд тэргүүллээ
Шинжлэх ухааны ажилтны өдрийг тохиолдуулан ДХИС-аас зохион байгуулсан “Шилдэг бүтээл 2025” уралдааны “WOS, SCOPUS-д бүртгэлтэй сэтгүүлд нийтлүүлсэн өгүүлэл” төрөлд Эрдэм шинжилгээний хүрээлэнгийн Гамшиг судлалын төвийн эрхлэгч, доктор, ахлах дэслэгч Б.Одгэрэлийн “Monitoring Vege-tative Stages of Spring Wheat (Triticum Aestivum L.) with Sentinel-1 Sentinel-2 Imagery in Bor-nuur soum, Tuv province Mongolia” сэдэвт өгүүлэл тэргүүн байр эзэллээ.
Мөн “Оюуны өмчийн газрын патенттай инновацын шилдэг бүтээл” төрөлд Шинжлэн магадлах ухааны сургуулийн Шинжлэн магадлахуй судлалын төвийн эрдэм шинжилгээний ахлах ажилтан-багш, цагдаагийн дэд хурандаа Э.Батбаяр, Эрдэм шинжилгээний хүрээлэнгийн Гамшиг судлалын төвийн эрдэм шинжилгээний ахлах ажилтан-багш, ахмад Б.Ганзагас нарын “Гарын мөр илрүүлэх соронзон нунтаг MGL-Magnetic” бүтээл тэргүүн байрт тус тус шалгарсан байна.
Тус уралдааныг “WoS, Scopus-т бүртгэлтэй сэтгүүлд нийтлүүлсэн өгүүлэл”, “Зохиогчийн эрхийн гэрчилгээтэй шилдэг ном, бүтээл”, “Оюуны өмчийн газрын патенттай инновацын шилдэг бүтээл” гэсэн гурван төрлөөр зохион байгуулж, шилдгүүдийг тодруулсан юм.
Цаашид аюулгүй байдал, хууль зүй, дотоод хэргийн салбарын тулгамдсан асуудлыг тодорхойлох, шинэ санаа, инновац нэвтрүүлэх, сайжруулах арга замыг шинжлэх ухааны үндэслэлтэй боловсруулах, эрдэмтэн, судлаачдын судалгааны ажлын үр дүнг эргэлтэд оруулах, бүтээлч сэтгэлгээг хөгжүүлэх зорилгоор жил бүр уламжлал болгон зохион байгуулахаар төлөвлөн ажиллаж байна.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/12/02
Шинэ мэдээГамшигт тэсвэртэй дэд бүтцийг хөгжүүлэхэд шинжлэх ухаан, судалгааны нотолгоо чухал үүрэгтэйг харууллаа
Онцгой байдлын ерөнхий газар, Гамшиг судлалын үндэсний хүрээлэн хамтран зохион байгуулсан “Гамшигт тэсвэртэй дэд бүтэц – Disaster Resilient Infrastructure 2025” олон улсын эрдэм шинжилгээний хурлын үеэр Монгол Улс болон олон улсын судлаачид гамшгийн эрсдэлийг бууруулах, хотын дэд бүтцийг тэсвэржүүлэх чиглэлээр зочин илтгэл 1, үндсэн 17 илтгэл, ханын 9 илтгэлийг хэлэлцүүллээ.
2025/12/02
Шинэ мэдээГамшгаас хамгаалах бэлтгэл, бэлэн байдлыг бэхжүүлэхэд хамтран ажиллахаар боллоо
Уулзалтын үеэр Монгол Улсын Онцгой байдлын байгууллага, АНУ-ын Армийн хамтарсан агаараас болон уснаас аврах дадлага сургуулийг 2026 онд зохион байгуулах, Баян-Өлгий, Ховд аймагт гамшгаас хамгаалах бэлтгэл, бэлэн байдлыг бэхжүүлэхэд хамтран ажиллахаар тохиролцсон юм.
2025/12/02
Шинэ мэдээБайгалийн гамшигтай тэмцэх үндэсний чадавхыг дээшлүүлэхэд хамтран ажиллана
Байгалийн гамшигтай тэмцэх үндэсний чадавхыг дээшлүүлэхэд чиглэсэн, гамшгийн эрсдэлийг үнэлэх, бууруулах стратеги, арга зүй боловсруулахад техникийн туслалцаа үзүүлэх хамтарсан төсөл хэрэгжүүлэх ба байгалийн гамшгийн үед харилцан туслалцаа үзүүлж, энэ салбарын бусад харилцан сонирхол илэрхийлсэн чиглэлүүдээр хамтран ажиллана.
