Цаг агаар:

   Өнгөрсөн хоногт:  Улаанбаатар хотод 2 мм, Архангай аймгийн 10 суманд 0.2-0.7 мм, Баянхонгор аймгийн 16 суманд 1-20 мм,  Говьсүмбэр аймгийн 1 суманд 2-6 мм, Дорнод аймгийн 11 суманд 3-5 мм, Дундговь аймгийн 15 суманд  3 мм, Дорноговь аймгийн 13 суманд 2.6 мм, Орхон аймгийн 1 суманд 2 мм, Өмнөговь аймгийн 1 суманд 3 мм, Өвөрхангай аймгийн 13 суманд 2 мм, Сүхбаатар аймгийн 13 суманд 24 мм, Төв аймгийн 24 суманд 0,5-4 мм, Хөвсгөл аймгийн 11 суманд 2-15 мм, Хэнтий аймгийн 16 суманд 2 мм хур тунадас  орсон. Бусад нутгаар цаг агаар тогтуун байлаа.

 Өнөөдөр: Ихэнх нутгаар солигдмол үүлтэй. Төвийн аймгуудын нутийн зарим газар, зүүн аймгуудын нутгийн зүүн өмнөд хэсгээр цас орно. Салхи ихэнх нутгаар баруун хойноос секундэд 4-9 метр, говь, талын нутгаар секундэд 12-14 метр хүрч ширүүснэ. Увс нуур болон Дархадын хотгор, Монгол-Алтай, Хангай, Хөвсгөл, Хэнтийн уулархаг нутаг, Завхан, Заг-Байдраг голын эх, Идэр, Тэс, Эг, Үүр голын хөндийгөөр -11...-16 градус, говийн бүс нутгийн өмнөд хэсгээр 0...-5 градус, бусад нутгаар -6...-11 градус хүйтэн байна.

  Улаанбаатар хотод: Үүлшинэ, цас орохгүй, салхи баруун хойноос секундэд 5-10 метр, -6...-8 градус хүйтэн байна.

Төлөв байдал: 18-нд Хэнтийн уулархаг нутаг, Онон, Улз голын хөндий, Дорнод, Дарьгангын тал нутгаар, 20, 21-нд Монгол-Алтайн уулсаар ялимгүй цас орно. Салхи ихэнх хугацаанд секундэд 5-10 метр. Монгол-Алтай, Хангай, Хөвсгөлийн уулархаг нутаг, Завхан, Заг-Байдраг голын эх, Идэр, Тэс, Эг-Үүр голын хөндийгөөр шөнөдөө -25...-30 градус, өдөртөө -11...-16 градус, Хэнтийн уулархаг нутаг, Хараа, Ерөө, Туул, Тэрэлж, Хэрлэн, Онон, Улз голын хөндийгөөр шөнөдөө -18...-23 градус, өдөртөө -6...-11 градус, говийн бүс нутгийн өмнөд хэсгээр шөнөдөө -3...-8 градус, өдөртөө +2...-3 градус, бусад нутгаар шөнөдөө -11...-16 градус, өдөртөө -1...-6 градус хүйтэн байна.

Гал түймэр:

Улаанбаатар хот, Баянзүрх дүүрэг 6 дугаар хороо Зоогийн газрын гал тогооны өрөө газын плитка, хуванцар хоолой, эд зүйл шатаж байна гэсэн дуудлагыг 10.16-ны өдрийн 08:10 цагт хүлээн авсан.   Чингэлтэй дүүргийн Онцгой байдлын хэлтсийн 10 дугаар ангийн алба хаагчдыг очиход иргэн Н-ийн гал тогооны хэсэгт газын плитка, газын шугам хоолой, эд хогшлын хамт шатаж байсныг ажиллаж унтраасан.

Улаанбаатар хот, Багахангай дүүрэг 1 дүгээр хороо орон сууцны байранд эд зүйл шатаж байна гэсэн дуудлагыг 10.16-ны өдрийн 17:39 цагт хүлээн авсан. Тус дүүргийн Онцгой байдлын хэлтсийн 80 дугаар ангийн алба хаагчдыг очиход иргэн Б-ийн 2 өрөө байрны унтлагын өрөөнд эд хогшил шатаж байсныг  ажиллаж унтраасан. 

Хүний үйл ажиллагаатай холбоотой осол:

Булган аймаг, Орхон сумын Бүхт багийн “Өлийн даваа” гэдэг газар /аймгийн төвөөс баруун урд зүгт 7 км, сумын төвөөс баруун хойд зүгт 18 км/ Тус сумын харьяат иргэн “Д” нь 10.12-ны өдрийн 18:00 цагийн орчим гэрээсээ гараад сураггүй болсон тухай дуудлагыг аймгийн Цагдаагийн газраас 10.15-ны өдрийн 11:42 цагт хүлээн ирүүлсэн.Тус аймгийн Онцгой байдлын газрын Эрэн хайх, аврах салбар, Цагдаагийн газрын  алба хаагчид, сумын Мэргэжлийн ангийнхан, ар гэрийнхэн иргэн Д/16 настай, эрэгтэй/-ыг 13:27 цагаас эхлэн 2 бүлэгт хуваагдан эрэн хайх ажиллагааг зохион байгуулж байна.

Төөрсөн, сураггүй болсон: Хөвсгөл аймгийн Тариалан сумын Давааны-Ар багийн "Дуургын нуруу" гэдэг газарт /аймгийн төвөөс зүүн хойд зүгт 230 км, Тосонцэнгэл сумаас зүүн хойд зүгт 130 км, Тариалан сумаас хойд зүгт 70 км/ Тосонцэнгэл сумын харьяат 4 хүн самар түүж байснаас 09.21-ний өдрийн 15:00-16:00 цагийн орчим иргэн Э нь отгоосоо 1 км зайтай газарт түүсэн самраа сахиж үлдсэн бөгөөд хамт явсан хүмүүс нь самар түүгээд буцаж ирэхэд нь сураггүй болсон байсан тухай дуудлагыг 09.22-ны өдрийн 14:40 цагт хүлээн авсан. Тус аймгийн Онцгой байдлын байгууллагын алба хаагчид, ар гэрийнхэн иргэн Э /46 настай, эмэгтэй/-г эрэн хайх ажиллагааг энэ сарын 17-ныг хүртэл зохион байгуулж, ар гэрийн хүсэлтээр зогсоосон.

Дундговь аймаг, Эрдэнэдалай сум Сангийн далай  багийн “Бударгана-Ус” гэдэг газар /аймгийн төвөөс баруун хойд зүгт 92 км-т, сумын төвөөс зүүн урд зүгт 18 км-т Тус сумын харьяат иргэн Б 10.16-ны өдрийн 09:00 цагт явганаар мал хариулж яваад сураггүй болсон тухай дуудлагыг 14:13 цагт /15:18 цагт/ хүлээн авсан. Тус аймгийн Онцгой байдлын газрын Эрдэнэдалай сум дахь Эрэн хайх, аврах салбарын алба хааагчид, Цагдаагийн хэсгийн алба хаагчид  иргэн Б/53 насай, эмэгтэй/-ыг эрэн хайх ажиллагааг зохион байгуулж 15:46 цагт тус багийн “Будрагана-Ус” гэдэг газраас /гэрээс нь баруун урд зүгт 3 км/-аас эсэн мэнд олсон.

Хэнтий аймаг, Дархан сум Хараат  багийн “Хонгорын рашаан” гэдэг газар /аймгийн төвөөс 200 км-т,  Дархан сумын төвөөс зүүн урд зүгт 65 км-т, Бор-Өндөр сумын төвөөс зүүн урд зүгт 20 км-т/ 2 автомашин цасанд суусан байна гэсэн дуудлагыг 10.16-ны өдрийн 21:55 цагт /23:07 цагт/ хүлээн авсан. Тус аймгийн Онцгой байдлын газрын Бор-Өндөр сум дахь Онцгой байдлын хэлтсийн алба хаагчдыг очиж иргэн М-ын  “Бонго-3”,  О-ийн  “Приус-20” загварын суудлын автомашинууд цасанд суусан байсныг ажиллаж цаснаас татан гаргасан.

Ус цаг уурын гаралтай аюулт үзэгдэл: 

Хөвсгөл аймаг, Алаг-Эрдэнэ сум 6 дугаар багийн “Хөх-Өвс” гэдэг газар /Хатгал тосгоноос баруун хойд зүгт 70 км/ Хар усны рашаанаас Хатгал тосгоны чиглэлд зорчиж байсан 20 гаруй иргэн, 3 автомашинтай цасанд боогдсон гэсэн дуудлагыг 10.15-ны өдрийн 09:20 цагт /12:57 цагт/ хүлээн авсан. Тус аймгийн Онцгой байдлын газрын Хатгал тосгон дахь 69 дүгээр ангийн алба хаагчид ажиллаж  иргэн Г-ын “Ланд крузерь-300”, иргэн Э-ийн “Прадо-150”, иргэн А-ийн  “Ланд крузерь-105” загварын автомашинтай 16 иргэнийг татан гаргасан. 

ОНЦГОЙ БАЙДЛЫН ЕРӨНХИЙ ГАЗАР