Монгол Улсын Засгийн газар, Бүгд Найрамдах Франц Улсын Засгийн газар хооронд байгуулсан санхүүгийн хэлэлцээрийн хүрээнд Онцгой байдлын ерөнхий газар, тус улсын “Десотел САС” групптэй хамтран “Онцгой байдлын ерөнхий газарт гал унтраах автомашин нийлүүлэх төсөл”-ийг хэрэгжүүлж байна.

Төслийн I шатны хүрээнд нийлүүлэгдсэн Монгол орны онцлогт тохируулан тус улсад үйлдвэрлэсэн гал түймэр унтраах автомеханик шатны автомашины засварчны сургалтыг энэ сарын 09-18-ны өдрүүдэд зохион байгууллаа. 

Сургалтыг нийслэлийн хүрээний Гал түймэр унтраах, аврах 10, 18, 26, 63 дугаар ангийг түшиглэн зохион байгуулж, “Десотел” компанийн мэргэжилтэн, сургагч багш Морар Никола-Габрил удирдан явуулсан юм.

Алба хаагчид төслөөр нийлүүлэгдсэн автомеханик шатны автомашинуудад үзлэг, шалгалт болон техникийн үйлчилгээ, тосолгоо холбогдох засварыг хийж, бэлтгэл бэлэн байдлыг хангалаа.