Монгол Улсын Ерөнхийлөгч, Зэвсэгт хүчний Ерөнхий командлагчийн ивээл дор зохион байгуулагдах “Төрийн цэргийн болон хууль сахиулах байгууллагуудын ахлах офицеруудын чуулга уулзалт"-ыг угтан “Бидний сонирхол-Миний хобби” сэдэвт цуглуулгын үзэсгэлэнг өнөөдөр Соёлын төв өргөөнд зохион байгууллаа.

Тус үзэсгэлэнд Онцгой байдлын байгууллагаа төлөөлөн НОБГ-ын дэд дарга, дэд хурандаа Э.Батбаяр, тус газрын Гамшгаас урьдчилан сэргийлэх хэлтсийн дарга, дэд хурандаа Д.Хадбаатар нар оролцож,  өөрсдийн цуглуулгын гал унтраах автомашин болон медалоныг олон нийтэд танилцуулсан юм.

Үзэсгэлэнд төрийн цэргийн болон хууль сахиулах 11 байгууллагын 35 ахлах офицер цуглуулгын дээжээ дэлгэж, сонирхууллаа.