Цаг агаар:

Өнгөрсөн хоногт: Архангай аймгийн 7 суманд 7 мм, Баян-Өлгий аймгийн 8 суманд 3 мм,  Дорноговь аймгийн 3 суманд 0.8 мм бороо орсон Бусад нутгаар цаг агаар тогтуун байлаа.

 Өнөөдөр:Нутгийн төв хэсгээр багавтар үүлтэй, бусад нутгаар солигдмол үүлтэй. Алтай, Хангай, Хөвсгөлийн уулархаг нутаг, Идэр, Тэс голын сав газраар дуу цахилгаантай аадар бороо орно. Салхи нутгийн баруун хагаст баруун өмнөөс, бусад нутгаар баруунаас секундэд 5-10 метр, нутгийн зарим газраар борооны өмнө түр зуур ширүүснэ. Нутгийн төв хэсгээр бага зэрэг дулаарч Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр голын хөндийгөөр +16…+21 градус, говийн бүс нутаг, Орхон-Сэлэнгийн сав газраар +26...+31 градус, бусад нутгаар +21...+26 градус дулаан байна.

  Улаанбаатар хотод:  Багавтар үүлтэй, бороо орохгүй, салхи баруунаас секундэд 4-9 метр, +24...+26 градус дулаан байна.

Өнгөрсөн хоногт: Архангай аймгийн 7 суманд 7 мм, Баян-Өлгий аймгийн 8 суманд 3 мм,  Дорноговь аймгийн 3 суманд 0.8 мм бороо орсон Бусад нутгаар цаг агаар тогтуун байлаа.

 Өнөөдөр:Нутгийн төв хэсгээр багавтар үүлтэй, бусад нутгаар солигдмол үүлтэй. Алтай, Хангай, Хөвсгөлийн уулархаг нутаг, Идэр, Тэс голын сав газраар дуу цахилгаантай аадар бороо орно. Салхи нутгийн баруун хагаст баруун өмнөөс, бусад нутгаар баруунаас секундэд 5-10 метр, нутгийн зарим газраар борооны өмнө түр зуур ширүүснэ. Нутгийн төв хэсгээр бага зэрэг дулаарч Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр голын хөндийгөөр +16…+21 градус, говийн бүс нутаг, Орхон-Сэлэнгийн сав газраар +26...+31 градус, бусад нутгаар +21...+26 градус дулаан байна.

  Улаанбаатар хотод:  Багавтар үүлтэй, бороо орохгүй, салхи баруунаас секундэд 4-9 метр, +24...+26 градус дулаан байна.

Төлөв байдал: 26-нд баруун болон төвийн аймгуудын нутгийн зарим газар, зүүн аймгуудын нутгийн баруун хойд хэсгээр, 27-нд төвийн аймгуудын ихэнх нутаг, говь болон зүүн аймгуудын нутгийн баруун хэсгээр, 28-нд баруун болон говийн аймгуудын нутгийн хойд хэсэг, төвийн аймгуудын нутгийн зарим газар, зүүн аймгуудын ихэнх нутгаар, 29-нд баруун аймгуудын нутгийн хойд хэсэг, төв болон зүүн аймгудын нутгийн зарим газраар  дуу цахилгаантай аадар бороо, мөндөр орно. Салхи ихэнх хугацаанд секундэд 5-10 метр, борооны өмнө түр зуур ширүүснэ. 26-наас нутгийн хойд хэсгээр бага зэрэг сэрүүсэж, Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Идэр, Эг, Үүр, Тэрэлж голын хөндийгөөр шөнөдөө -1...+4 градус, өдөртөө +14...+19 градус, говийн бүс нутгийн өмнөд хэсгээр шөнөдөө +13...+18 градус, өдөртөө +25...+30 градус, бусад нутгаар шөнөдөө +7…+12 градус, өдөртөө +18...+23 градус дулаан байна.

Гал түймэр:

Улаанбаатар хот, Баянгол дүүрэг 5 дугаар хорооны “Задгай”-д Дэлгүүрийн барилга шатаж байна гэсэн дуудлагыг 08.24-ний өдрийн 22:51 цагт хүлээн авсан.  Чингэлтэй дүүргийн Онцгой байдлын хэлтсийн 10 дугаар ангийн алба хаагчдыг очиход иргэн Г-ын  20х20 метрийн хэмжээтэй дэлгүүрийн барилгын дээврийн хэсэг болон 1 дүгээр давхар шатаж байсныг ажиллаж унтраасан. 

Дундговь аймаг, Хулд сум Олдох баг гэр шатаж байна гэсэн дуудлагыг 08.24-ний өдрийн 16:03 цагт хүлээн авсан. Тус аймгийн Онцгой байдлын газрын Хулд сум дахь бүлгийн алба хаагчдыг очиход иргэн З-ын 5 ханатай гэр шатаж байсныг  ажиллаж унтраасан. 

Хүний үйл ажиллагаатай холбоотой осол: 

Улаанбаатар хот, Хан-Уул дүүрэг 4 дүгээр хороо суудлын 2 автомашин мөргөлдөж 1 автомашин замын хажуу руу унасан тухай дуудлагыг 08.25-ны өдрийн 05:33 цагт хүлээн авсан. Нийслэлийн Аврах ангийн алба хаагчдыг очиход “Лексүс-570” загварын автомашин нь иргэн Н-ийн  “Приус-55” загварын автомашинтай мөргөлдөж, “Приус-55” загварын автомашины жолооч Н /30 настай, эрэгтэй/ автомашиныхаа жолооны хүрдэнд хавчуулагдаж ухаан алдсан байсныг 06:05 цагт эсэн мэнд гаргаж НТТТ-д шилжүүлэн өгсөн.

ОНЦГОЙ БАЙДЛЫН ЕРӨНХИЙ ГАЗАР