Монгол Улсын Ерөнхийлөгч, Зэвсэгт хүчний ерөнхий командлагчийн ивээл дор зохион байгуулагдах “Төрийн цэргийн болон хууль сахиулах байгууллагын ахлах офицерын чуулган”-ыг угтан “Гамшгийн эрсдэлийг бууруулах шинжлэх ухаанч санаачилга-3” шилдэг бүтээлийн уралдааныг зохион байгууллаа.

Уралдаанд төв, орон нутгийн Онцгой байдлын байгууллагын салбар нэгжүүдээс ирүүлсэн 10 орчим бүтээлээс шилдэг 2 бүтээлийг хэлэлцүүлсэн юм.

ОБЕГ-ын дэргэдэх Гамшиг судлалын үндэсний хүрээлэнгийн эрдэмтэн нарийн бичгийн дарга, хурандаа П.Чимидцэрэнгийн “Гал унтраах бодис гарган авах химийн судалгаа, туршилт” бүтээл тэргүүлж,  Орхон аймгийн Онцгой байдлын газрын орлогч, хошууч Г.Нэргүйбаатарын “Онцгой байдлын байгууллагын дуудлага хүлээн авах үйлчилгээнд дэвшилтэт технологи нэвтрүүлэх боломж” сэдэвт бүтээл дэд байрт шалгарлаа.