Онцгой байдлын ерөнхий газраас Мал эмнэлгийн ерөнхий газарт энэ сарын 26-28-ны өдрүүдэд  “Гамшгаас хамгаалах команд штабын сургууль”-ийг зохион байгуулахаар бэлтгэл ажлыг ханган ажиллаж байна.

Энэ хүрээнд тус сургуулийн штабын дарга, ОБЕГ-ын Ажиллагааны удирдлагын газрын хэлтсийн дарга, хурандаа Б.Мягмардорж, ажлын хэсгийн гишүүд, БОУАӨЯ, ТЕГ, ЦЕГ, ХХЕГ-ын төлөөллүүд өнөөдөр Мал эмнэлгийн ерөнхий газарт ажиллалаа. 

Гамшгаас хамгаалах команд штабын сургуулийн  бэлтгэл ажлыг үнэлж, харьяа байгууллага дээр хяналт тавих алба хаагчдын хуваарийг удирдах бүрэлдэхүүнд таницуулан, сургуулийн үеэр хийж хэрэгжүүлсэн үйл ажиллагаа, дууриалган үзүүлэх дадлагын талаар санал солилцсон юм.