Онцгой байдлын ерөнхий газраас Мал эмнэлгийн ерөнхий газарт ирэх гуравдугаар сарын 26-28-ны өдрүүдэд  “Гамшгаас хамгаалах команд штабын сургууль”-ийг зохион байгуулна.

Энэ хүрээнд ОБЕГ-ын Гамшгаас хамгаалах сургалтын газар, Ажиллагааны удирдлагын газрын холбогдох мэргэжилтнүүд энэ сарын 18-19-ний өдрүүдэд нийслэлийн Мал эмнэлгийн газар, Малын эмнэлгийн эмийн сорилт баталгаажуулалтын улсын лабораторийн ажилтан, алба хаагчдад сургалт зохион байгуулж, мэргэжил, аргазүйн зөвлөгөө өглөө.

Сургалтаар гамшгийн үеийн шуурхай үеийн шуурхай удирдлага зохион байгуулалт, гамшгийн нөхцөл байдал, гамшгаас хамгаалах команд штабын сургуулийн зохион байгуулалт, үйл ажиллагаа, гамшгаас хамгаалах төлөвлөлт, бэлэн байдал, гамшгаас хамгаалах улсын алба, мэргэжлийн ангийн дүрэм, байр зүйн зураг зэрэг сэдвийн хүрээнд мэдээлэл хийсэн юм.