ДХИС-ийн Онцгой байдлын сургуулийн Гал түймэртэй тэмцэх албаны тэнхимийн эрхлэгч, доктор (Ph.D), дэд хурандаа Б.Энхтүвшин  доктор, магистр, бакалаврын болон төрөл бүрийн судалгааны ажил бичих аргазүйн хөтөч “Судалгааны аргазүй” гарын авлагыг гаргаж, олны хүртээл болголоо.

Тус ном нь аюулгүй байдлын чиглэлээр судалгааны арга зүйд суралцагчид болон судлаачдад зориулагдсан бөгөөд төрөл бүрийн судалгаа, шинжлэх ухааны мэдлэг, онол, ойлголт, тоон болон статистик шинжилгээ зэргийг багтаасан байна.

Дэд хурандаа Б.Энхтүвшин  нь бие даасан 4 бүтээл, хамтын 2 бүтээлийг эрхлэн гаргахын зэрэгцээ олон улсад бүртгэлтэй сэтгүүлд 4 бүтээл, судалгааны 35 өгүүлэл нийтлүүлж, 40 гаруй илтгэлийг хэлэлцүүлсэн юм.