Төслийн хүрээнд хамтарсан богино хугацааны дадлага сургуулийг анх удаа зохион байгууллаа
Онцгой байдлын ерөнхий газраас, Швейцарын хөгжлийн агентлагтай хамтран хэрэгжүүлж байгаа “Монгол Улсын хот дахь эрэн хайх, аврах ажиллагааны чадавхыг бэхжүүлэх төсөл”-ийн шинжээчид энэ 02-06-ны өдрүүдэд Онцгой байдлын байгууллагад ажиллалаа.
Швейцарын хөгжлийн агентлагийн шинжээч Маркус Грюненфелдээр ахлуулсан төлөөлөгчид ОБЕГ-ын тэргүүн дэд дарга бөгөөд штабын дарга, хурандаа Ц.Ганзориг болон ажлын хэсгийн ахлагч нартай уулзалт хийж, төслийн явц, үр дүнгийн талаар санал солилцсон юм.
Энэ үеэр хоёр багийн хамтарсан богино хугацааны дадлага сургуулийг анх удаа “Олон улсын эрэн хайх, аврах зөвлөлдөх бүлгийн журам”-ын дагуу ОБЕГ-ын харьяа Үндэсний аврах бригадад зохион байгуулж, удирдлага зохион байгуулалтаар ханган ажиллалаа.
Мөн ОБЕГ-ын удирдлага болон БНХАУ-ын Онцгой байдлын удирдлагын яам, түүний харьяа “Газар хөдлөлтийн хариу арга хэмжээнд дэмжлэг үзүүлэх үндэсний алба”-ны төлөөлөгчидтэй гурван талт цахим хурлыг зохион байгуулж, энэхүү төслийн гурван талт хамтын ажиллагааг үргэлжлүүлэх, БНХАУ-ын мэргэжилтнүүд Монгол Улсын Онцгой байдлын албаны аврах ажиллагааны багийг үнэлэх айлчлалыг ирэх 2025 онд зохион байгуулахаар тохиролцлоо.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/12/10
Шинэ мэдээ“Баяр-Эрсдэл” зэрэг оршиж байдаг
Тиймээс жаахан гэлтгүй зөв зүйлийг хэвшил болгож чадвал та өөрийгөө, хайртай дотны хүмүүсээ, бүр цаашлаад таны үр хүүхэд, эргэн тойрны хүмүүс чинь танаас суралцаж, нэгэндээ хэлж зөвлөж, өөрсдийгөө аюулаас сэргийлж чадах дадлыг өөртөө суулгаж чадна.
2024/12/10
Шинэ мэдээОХУ-тай гамшгаас хамгаалах чиглэлд хамтын ажиллагаагаа өргөжүүлнэ
Мөн ирэх 2025 онд ОХУ-ын Хабаровск хотноо БНХАУ, ОХУ, Монгол Улсын Онцгой байдлын алба хаагчид хамтарсан сургуулилт хийхээр болсон байна. Энэхүү сургуулилтыг хоёр жил тутамд зохион байгуулахаар төлөвлөж байгаа бөгөөд тус сургуулилт нь гурван улсын гамшгаас хамгаалах арга тактик, техник технологийн хөгжил дэвшил, алба хаагчдын ур чадвар, дадлага туршлага солилцох чухал ач холбогдолтой юм.
2024/12/10
Шинэ мэдээАкадемийн төгсөгчид Онцгой байдлын байгууллагын бүх шатны албан тушаалд манлайлан ажиллаж байгааг онцоллоо
Мөн тус академид Онцгой байдлын албанаас 1965 оноос өнөөдрийг хүртэлх 58 жилийн хугацаанд 180 гаруй суралцагч, сонсогч суралцаж, галын аюулгүй байдлын тусгай мэргэжилтэн, инженер, шинжээч зэрэг мэргэжлээр бакалавр 110, магистр 70, доктор зэрэгтэй 2 алба хаагч тус тус амжилттай суралцан төгсөж, Онцгой байдлын байгууллагын бүх шатны албан тушаалд бусдыгаа манлайлан ажиллаж байгааг уулзалтын үеэр онцоллоо.
