Хелен хар салхи нь өнгөрсөн ням гарагаас эхлэн АНУ-ын Флорида мужийн эргээс, зүүн өмнөд мужуудаар дамжин өнгөрөхдөө олон зуун зам, гүүр, барилга байгууламж сүйрч 133 иргэн амь насаа алдаж олон арван хүн ор сураггүй болжээ.
Энэхүү шуурганы улмаас Хойд Каролина, Өмнөд Каролина, Жоржиа, Флорида, Теннесси, Виржиниа мужуудад нийт 133 гаруй хүн амь үрэгджээ. Харилцаа холбоо тасарч, зам хаагдсаны улмаас олон мянган оршин суугчидтай холбоонд орох боломжгүйд хүрсэн бөгөөд амь үрэгдэгсдийн тоо цаашдаа нэмэгдэх төлөвтэй байгаа аж.
Хойд Каролина мужийн иргэдэд тусламж үзүүлэхээр 7000 гаруй иргэн АНУ-ын Холбооны Онцгой байдлын агентлагт бүртгүүлсэн бол Үндэсний гвардаас 1000 тонн хүнс, усыг алслагдсан бүс нутгуудад нисдэг тэргээр тээвэрлэж байна гэж албаныхан мэдээлсэн байна.
Уг сүйрэлд өртсөн газар нь Шарлотт хотоос баруун тийш 100 миль (160 км) зайд орших Бат Калф хэмээх жижигхэн тосгон байсан бөгөөд цаг уурын мэргэжилтнүүдийн үзэж байгаагаар 1000 жилийн хугацаанд тохиолдож байгаагүй, түүхэн гамшигт үзэгдэл болж, нийт 158 тэрбум тонн хур тунадас орсон бөгөөд энэ нь хоёр жилийн хугацаанд орох хур тунадасны хэмжээ юм байна. Түүнчлэн Борд гол урьд өмнө хэзээ ч хүрч байгаагүй түвшинд хүрэн үерлэж, зам, гүүр, барилга байшингуудыг гурав хоногийн дотор урсгаж, их хэмжээний хохирол учруулсан талаар мэдээлжээ.
Орчуулсан: Б.Гэрэлзаяа
Эх сурвалж: https://www.reuters.com/
2024/10/02Шинэ мэдээ
Зарим сумдад гантай байсан тул өвөлжилт хүндрэх төлөвтэй байгаа учраас аймгийн Онцгой комиссоос өвөлжилтийн бэлтгэл хангах хүрээнд шаардлагатай арга хэмжээг авч хэрэгжүүлж, Засгийн газрын тогтоол, УОК-ын албан даалгаврыг биелүүлэн ажиллаж байгааг танилцууллаа.
2024/10/02Шинэ мэдээ
Баянхонгор аймгийн Онцгой комиссын хүсэлтийн дагуу өнгөрсөн өвөл, хавар, зуны байгалийн гамшиг, аюулт үзэгдлийн хор уршгийг арилгах үйл ажиллагаанд дэмжлэг үзүүлж, УОК-оос 100 сая төгрөг шийдвэрлэв.
2024/10/02Шинэ мэдээ
Албаны бэлтгэл, бэлэн байдлыг хангах, алба хаагчдын ажиллах орчин нөхцөл, сургаж, дадлагажуулах зорилтын хүрээнд аймгийн Алтанбулаг сумын “Гүн” нуурыг түшиглэн “Гүний усны сургалтын цогцолбор төв”-ийг байгуулж, стандартын шаардлага хангасан хүнсний зоорийг бүх салбар, анги, байгууллагад шинээр бий болгосон байна.