Цаг агаар:
Өнгөрсөн хоногт: Хоногийн хугацаанд Говьсүмбэр, Дархан-Уул, Дорноговь, Өмнөговь, Төв, Сэлэнгэ, Завхан, Хэнтий аймагт цас орсон. Дорноговь аймгийн зарим сумдад бороо орсон. Бусад нутгаар цаг агаар тогтуун байлаа.
Өнөөдөр: Багавтар үүлтэй. Хур тунадас орохгүй. Салхи нутгийн баруун хэсгээр баруунаас, бусад нутгаар баруун хойноос секундэд 6-11 метр. Ихэнх нутгаар бага зэрэг дулаарч Дархадын хотгор, Хангай, Хөвсгөл, Хэнтийн уулархаг нутаг, Идэр, Тэс, Тэрэлж голын хөндийгөөр +2…+7 градус, Их нууруудын хотгор, говийн бүс нутгийн баруун өмнөд хэсгээр +13...+18 градус, бусад нутгаар +7...+12 градус дулаан байна.
Улаанбаатар хотод: Үүлшинэ. Хур тунадас орохгүй. Салхи баруун хойноос секундэд 5-10 метр. Өдөртөө +7...+9 градус дулаан байна.
Гал түймэр:
- Төв аймаг, Борнуур сум. Өгөөмөр багт /аймгийн төвөөс баруун хойд зүгт 144 км/-т сумын төвд байшин шатаж байна гэсэн мэдээллийг 11:42 цагт хүлээн авсан. Сумын Цагдаагийн хэлтсийн алба хаагч, Засаг даргын Тамгын газрын алба хаагчид 11:32 цагт очиход, 11х12 хэмжээтэй модон байшин бүрэн шатаж байсныг 13:05 цагт унтрааж иргэн О-д хүлээлгэн өгсөн талаар мэдээлсэн.
- Улаанбаатар хот, Баянзүрх дүүрэг. 38 дугаар хороонд хогийн цэгт хог шатаж байна гэсэн дуудлагыг 13:52 цагт хүлээн авсан. Тус дүүргийн Онцгой байдлын хэлтсийн Гал түймэр унтраах аврах 63 дугаар ангийн алба хаагчид 2 км замыг туулан 13:58 цагт хаягт очиход, 3х6 метрийн хэмжээтэй гадна хогийн цэгт хог шатаж байсныг 20 минут ажиллаж унтраасан.
- Улаанбаатар хот, Баянзүрх дүүрэг. 23 дугаар хороонд байшин шатаж байна гэсэн дуудлагыг 15:30 цагт хүлээн авсан. Тус дүүргийн Онцгой байдлын хэлтсийн Гал түймэр унтраах аврах 35 дугаар ангийн алба хаагчид 4 км замыг туулан 15:35 цагт хаягт очиход, иргэн Н-ийн 7х8 метрийн хэмжээтэй байшингийн дээврийн хэсэг, эд хогшлын хамт шатаж байсныг 15 минут ажиллаж унтраасан.
- Дорнод аймаг, Хэрлэн (Сүмбэр). 10 дугаар багт амбаар шатаж байна гэсэн дуудлагыг 15:57 цагт хүлээн авсан. Тус аймгийн Онцгой байдлын газрын Гал түймэр унтраах, аврах 52 дугаар ангийн алба хаагчид 3км замыг туулан 16:01 цагт хаягт очиход, 3х7 метрийн хэмжээтэй амбаар шатаж байсныг 22 минут ажиллаж унтраасан.
- Хөвсгөл аймаг, Бүрэнтогтох сум. Эрчим баг “Цагаан бургасын даваа” гэдэг газар /аймгийн төвөөс баруун урд зүгт 35 км, сумын төвөөс урд зүгт 70 км/-т. Зэрэгцэн байрласан 4-5 цайны газар, хүнсний дэлгүүр шатаж байна гэсэн дуудлагыг 19:35 цагт хүлээн авсан. Тус аймгийн Онцгой байдлын газрын Гал түймэр унтраах, аврах 27 дугаар ангийн алба хаагчид иргэн А-ийн эзэмшлийн 30х8 метрийн хэмжээтэй залгаа 4 дүнзэн байшин, /цайны газар, амины орон сууц, агуулах/-ын хамт шатаж байсныг 3:15 цаг ажиллаж унтраасан.
- Дундговь аймаг, Сайнцагаан сум. Айраг багт байшингийн ханан пийшингийн завсраас утаа гарч байна гэсэн дуудлагыг 22:50 цагт хүлээн авсан. Тус аймгийн Онцгой байдлын газрын Гал түймэр унтраах, аврах 25 дугаар ангийн алба хаагчид 1 км замыг туулан, 22:54 цагт очиход, 4х12 метрийн хэмжээтэй модон байшингийн яндан битүүмжээ алдаж дээшээ цогшсон байдалтай байсныг 1 цаг ажиллаж унтраасан.
- Улаанбаатар хот, Сонгинохайрхан дүүрэг. 21 дүгээр хороонд байшин шатаж байна гэсэн дуудлагыг 02:33 цагт хүлээн авсан. Тус дүүргийн Онцгой байдлын хэлтсийн Гал түймэр унтраах аврах 26 дугаар ангийн алба хаагчид 30 км замыг туулан 02:59 цагт хаягт очиход, хаяг, эзэмшигч тодорхойгүй 3х6 метрийн хэмжээтэй байшин шатаж байсныг 20 минут ажиллаж унтраасан.
Хүний үйл ажиллагаатай холбоотой осол. Төөрсөн сураггүй болсон:
- Сэлэнгэ аймаг, Ерөө сум. Буурагчин баг “Гүн толгой” гэдэг газар /аймгийн төвөөс баруун урд зүгт 98 км, сумын төвөөс зүүн урд зүгт 22 км/ малчин Ж нь 09.20-ны өдрийн 15:00 цагийн орчимд гэрээсээ Ерөө сумын төв рүү явна гэж морьтой гараад сураггүй алга болсон бөгөөд унаж явсан морь нь 09.21-ний өдрийн 12:00 цагийн орчим усанд норсон байдалтай гэрийнхээ гадна гүйж ирсэн. Тус аймгийн Цагдаагийн газраас тухайн иргэнийг 09.21-ний өдрөөс эрэн сурвалжлах ажиллагааг зохион байгуулсан боловч үр дүнд хүрээгүй тул эрэн хайх ажиллагааг зохион байгуулах тухай хүсэлтийг 09.25-ны өдрийн 19:14 цагт аймгийн Цагдаагийн газраас хүлээн авсан. Тус аймгийн Онцгой байдлын газрын Эрэн хайх, аврах ангийн алба хаагчид 2024.09.30-ны өдрийн 10:00 цагт эрэн хайх, ажиллагааг эхлүүлж Ерөө сумын Буурагчин багийн “Хүзүүвчийн үүрэг” гэдэг газраас баруун зүгт Жаргалант сумын Бумбат багийн “Наян милиэ” гэдэг газар хүртэл нийт 39 км-т завьтай урсаж голын булан тохой, хаялаг зэргээр самналт хийсэн боловч үр дүнд хүрээгүй үзэгдэх орчин хязгаарлагдмал болсон тул эрлийн ажиллагааг 19:00 цагт зогсоож, 2024.10.01-ний өдрийн 08:00 цагт эхлүүлсэн.
- Сүхбаатар аймаг, Онгон сум. Нүдэн баг “Данжуурын дэрс” гэдэг газар /аймгийн төвөөс баруун урд зүгт 143 км, сумын төвөөс хойд зүгт 17 км/ тус сумын харьяат малчин У нь 09.25-ны өдрийн 15:00 цагийн орчимд гэрээсээ явган гараад сураггүй болсон тухай дуудлагыг 09.28-ны өдрийн 10:17 цагт хүлээн авсан. Тус аймгийн Онцгой байдлын газрын Эрэн хайх, аврах салбарын алба хаагчид, Тамгын газрын ажилтанууд, ар гэрийнхэн хамтран 2024.09.30-ны өдрийн 09:45 цагт эрлийн ажиллагааг анх сураггүй болсон газраас баруун хойд зүгт 20км-ийн зайд тус сумын Нүдэн багийн “Шар бүрд” гэдэг газар хүртэл эрэн хайх ажиллагааг зохион байгуулж ажилласан. Үзэгдэх орчин хязгаарлагдмал болсон тул 18:10 цагт эрлийг түр зогсоож сумын төв рүү буцсан. 2024.10.01-ний өдрийн 08:00 цагт эхлүүлсэн.
- Өмнөговь аймаг, Баяндалай сум. Төхөм баг, Баян цагаан-Уулын “Дөвөнт” гэдэг газар /аймгийн төвөөс баруун хойд зүгт 130 км, сумын төвөөс хойд зүгт 60 км/-т. Тус сумын малчин Э /50 настай, эрэгтэй/ 09.29-ний өдрийн 11:00 цагийн орчим гэрээсээ явган малдаа яваад сураггүй болсон тухай дуудлагыг 09.30-ны өдрийн 10:56 цагт хүлээн авсан. Тус аймгийн Онцгой байдлын газрын алба хаагчид, Цагдаагийн байгууллагын алба хаагч, Засаг даргын тамгын газрын ажилтанууд 60 км замыг туулан, 15:45 цагт очиж, эрлийн ажиллагааг эхлүүлэн гэрээс нь баруун хойд зүгт 30 км-т Төхөм багийн “Толгойн буудал” гэдэг газраас эсэн мэнд олж ар гэрийнхэнд нь хүлээлгэн өгсөн.
ОНЦГОЙ БАЙДЛЫН ЕРӨНХИЙ ГАЗАР
2024/10/01Шинэ мэдээ
Зарим сумдад гантай байсан тул өвөлжилт хүндрэх төлөвтэй байгаа учраас аймгийн Онцгой комиссоос өвөлжилтийн бэлтгэл хангах хүрээнд шаардлагатай арга хэмжээг авч хэрэгжүүлж, Засгийн газрын тогтоол, УОК-ын албан даалгаврыг биелүүлэн ажиллаж байгааг танилцууллаа.
2024/10/01Шинэ мэдээ
Баянхонгор аймгийн Онцгой комиссын хүсэлтийн дагуу өнгөрсөн өвөл, хавар, зуны байгалийн гамшиг, аюулт үзэгдлийн хор уршгийг арилгах үйл ажиллагаанд дэмжлэг үзүүлж, УОК-оос 100 сая төгрөг шийдвэрлэв.
2024/10/01Шинэ мэдээ
Албаны бэлтгэл, бэлэн байдлыг хангах, алба хаагчдын ажиллах орчин нөхцөл, сургаж, дадлагажуулах зорилтын хүрээнд аймгийн Алтанбулаг сумын “Гүн” нуурыг түшиглэн “Гүний усны сургалтын цогцолбор төв”-ийг байгуулж, стандартын шаардлага хангасан хүнсний зоорийг бүх салбар, анги, байгууллагад шинээр бий болгосон байна.