Бие бүрэлдэхүүний хөтөлбөр төлөвлөгөө

Улаанбаатар хот орчмоор цасны зузаан 16-20 см байна

Өнөө өглөөний /2024.01.20/ цаг уурын станц, харуулын цасны зузааны мэдээгээр Баян-Өлгийн хойд, Баянхонгорын өмнөд хэсгээр цасгүй, бусад нутгаар 0.0-37.0 см зузаан цасан бүрхүүл тогтсон байна. Үүнээс хамгийн их нь Увсын Малчинд 37.0 см, Сагилд 32.0 см, Төв аймгийн Эрдэнэсантад 31 см, Баруунтуруун, Давст, Хяргаст 30.0 см, Увсын Улаангом, Сэлэнгийн Бугантад 29.0 см, Увсын Зүүнговь, Сүхбаатарын Түмэнцогтод 28.0 см, бусад хэсгээр 0.0-25.0 см цасан бүрхүүл тогтсон.

Цасанд боогдсон айлуудад өвс, тэжээл хүргэхэд шаардлагатай түлш шатахууны нөөцийг бүрдүүлэхэд дэмжлэг үзүүлэхээр боллоо

Монгол Улсын Шадар сайд, УОК-ын дарга С.Амарсайхан Дорноговь аймгийн өвөлжилт хүндэрсэн сумдад ажиллаж, зудын нөхцөл байдалд үнэлэлт дүгнэлт өгч шаардлагатай арга хэмжээг газар дээр нь авч хэрэгжүүлж ажиллалаа. Аймгийн нийт нутгийн 75 хувь нь зудын өндөр эрсдэлтэй байгаа бөгөөд өвөлжилт хүндэрсэн сумдын малчид руу зам даваа гаргах, өвс тэжээл дөхүүлэх ажлыг аймгийн Онцгой комиссоос байнга хийж байгаа ч цасан шуурганы улмаас зам даваанууд өдөртөө хаагдаж байгааг орон нутгийн удирдлагууд хэлсэн юм.  

Гамшиг, аюулт үзэгдэл, ослын мэдээллийн сан бүрдүүлэхээр ажиллаж байна

Онцгой байдлын ерөнхий газраас улсын хэмжээнд сүүлийн 20 жилд тохиолдсон гамшиг, аюулт үзэгдэл, ослын мэдээллийн сан бүрдүүлэхээр ажиллаж байна. Ажлын хэсгийг ОБЕГ-ын Урьдчилан сэргийлэх газрын дарга, хурандаа Ц.Уранчимэг ахалж байгаа бөгөөд энэ сарын 8-19-ний өдрүүдэд мэдээллийн сан бүрдүүлэх ажлыг зохион байгуулах сургалт дадлагыг зохион байгууллаа.