Гамшгийн эрсдэлийн үнэлгээний мэргэшүүлэх сургалтад хамрагдсан суралцагчдад гэрчилгээ гардууллаа
Гамшгаас хамгаалах тухай хууль, Засгийн газрын 2020 оны 190 дүгээр тогтоолоор батлагдсан “Гамшгийн эрсдэлийн үнэлгээ хийх журам”-ын хэрэгжилтийг хангах хүрээнд ОБЕГ-ын дэргэдэх Гамшиг судлалын үндэсний хүрээлэнгээс “Гамшгийн эрсдэлийн үнэлгээний мэргэшүүлэх cургалт”-ыг энэ сарын 01-14-ний өдрүүдэд зохион байгуулж, сургалтад хамрагдсан ажилтнуудад гэрчилгээ гардууллаа.
Тус сургалтын хүрээнд доктор (Ph.D), дэд профессор, профессор зэрэгтэй 14 багш, магистр зэрэгтэй 5 багш гамшгийн төрөл тус бүр дээр танхимын 70 цагийн хичээл орж, гамшгаас хамгаалах мэдлэгийг олгосон юм.
Сургалтад иргэн, аж ахуй нэгж байгууллагын 45 суралцагч хамрагдсан бөгөөд суралцагчид онолын мэдлэгээ бататгах хүрээнд үйлдвэрлэлийн дадлага ажлыг "Сейф трэк" ХХК-ийн объектод гүйцэтгэж, тус объектыг гамшгийн 8 төрлөөр үнэлж, тайлагналаа.
ОБЕГ-ын дэд дарга, хурандаа Ц.Уранчимэг хэлсэн үгэндээ " Дэлхий дахинд уур амьсгалын өөрчлөлт, хүний буруутай үйл ажиллагаа болон байгалийн гаралтай аюулт үзэгдэл нэмэгдэж байна. Тиймээс аливаа эрсдэлийг үнэлэх, түүнээс урьдчилан сэргийлэх нь үүсэж болзошгүй эрсдэлийг бууруулах ач холбогдолтой юм. Та бүхэн өнөөдөр энэ чиглэлээр мэргэшиж, гэрчилгээгээ гардан авлаа. Цаашид мэргэжлийн ёс зүйтэй, мэргэшсэн байдлаар ажиллаж, үүрэг, хариуцлагаа өндөр түвшинд хэрэгжүүлнэ гэдэгт итгэлтэй байна" гэлээ.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2026/04/16
Шинэ мэдээХот доторх эрэн хайх, аврах ажиллагааны чиг хандлага сэдвийн хүрээнд чөлөөт хэлэлцүүлэг өрнүүллээ
НҮБ-ын Эрэн хайх, аврах олон улсын зөвлөлдөх бүлгийн глобал удирдагч, олон улсын зөвлөх, ноён Винстон Чан Онцгой байдлын ерөнхий газрын бие бүрэлдэхүүнтэй уулзаж, “Дэлхийн гамшгийн хариу арга хэмжээний шинэ чиг хандлага ба НҮБ-ын Эрэн хайх, аврах олон улсын зөвлөлдөх бүлгийн үүрэг” сэдвээр мэдээлэл танилцууллаа.
2026/04/16
Шинэ мэдээХот дахь эрэн хайх, аврах дунд түвшний ангиллын багийг олон улсын ангилалд бэлтгэж, чадавхыг сайжруулна
Уулзалтаар талууд Монгол Улсын гамшгийн үед үзүүлэх үндэсний хариу арга хэмжээний чадавхыг шинэ түвшинд хүргэх, цаашлаад бүс нутаг болон олон улсын хэмжээнд хүмүүнлэгийн эрэн хайх, аврах ажиллагаанд үр дүнтэй оролцох боломжийг өргөжүүлэх чухал ач холбогдолтойг онцолсон юм.
2026/04/16
Шинэ мэдээХөвсгөл нуурт живсэн 25 тээврийн хэрэгслийг татан гаргаж, 80 тн шатахууныг аюулгүй болголоо
Энэ хугацаанд “Сүхбаатар” хөлөг онгоц болон нийт 25 тээврийн хэрэгслийг татан гаргаж, тэдгээрт агуулагдаж байсан 80 орчим тонн шатахуун, тос тосолгооны материалыг аюулгүй болгож, Хөвсгөл нуурын эко системийг хамгаалах,нуурын ёроолын аюултай хог хаягдлыг цэвэрлэж, үүсэж болох эрсдэлийг бууруулаа.
