“Цацрагийн ослын үеийн хариу арга хэмжээ” сэдэвт хээрийн дадлага сургуульд алба хаагчид хамрагдаж байна
Зэвсэгт хүчний жанжин штаб, Онцгой байдлын ерөнхий газар, Цөмийн энергийн комиссын ажлын албанаас хамтран “Цацрагийн ослын үеийн хариу арга хэмжээ” сэдэвт хээрийн дадлага сургуулийг энэ сарын 10-11-ний өдрүүдэд Төв аймгийн Алтанбулаг суманд байрлах Зэвсэгт хүчний-119 дүгээр ангид зохион байгуулж байна.
Дадлага сургуульд Цөмийн энергийн комиссын ажлын алба, ОБЕГ-ын харьяа Үндэсний аврах бригад, НОБГ-ын Аврах анги, Тагнуулын ерөнхий газар, Зэвсэгт хүчний 119 дүгээр ангийн 50 гаруй ажилтан, алба хаагч хамрагдаж байгаа юм.
Сургалтын үйл ажиллагаанд ОБЕГ-ын Ажиллагааны удирдлагын газрын дарга, хурандаа А.Дашням, тус газрын хэлтсийн дарга,хурандаа Ж.Дамдинсүрэн нар оролцож, амжилт хүслээ.
Хими, цацрагийн ослын үеийн хариу арга хэмжээг төлөвлөх, удирдан зохион байгуулах, шуурхай хэрэгжүүлэх, мэргэжлийн байгууллагуудын харилцан ажиллагааг сайжруулах хүрээнд сургалт, дадлагыг хийж, харилцан ажиллагааны төлөвлөлтийг боловсронгуй болгох талаар санал солилцох юм.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/04/10
Шинэ мэдээ"Үндэсний майхант цугларалт-2026” арга хэмжээнд оролцогч хүүхэд, багачууд гамшгаас хамгаалах мэдлэгээ дээшлүүллээ
Тус өдөрлөгт 21 аймаг, нийслэлийн 9 дүүргийн хүүхдийн оролцооны байгууллагын 500 хүүхэд, багачууд оролцож байгаа бөгөөд оролцогчид 101,105 дугаарт дуудлага өгөх, утаат орчноос гаргах, гал унтраагуул ашиглах, эмнэлгийн анхан шатны тусламж үзүүлэх, бэлэн байдлын цүнхний иж бүрдлийг бүрдүүлэх, боосай картаар тоглох, аврагч, гал сөнөөгчийн багаж, техникийг таних зэрэг 6 өртөөт даалгаврыг гүйцэтгэсэн юм.
2025/04/10
Хамтын ажиллагааны талаар харилцан санал солилцлоо
Онцгой байдлын байгууллага нь НҮБ-ын Монгол дахь Суурин төлөөлөгчийн газар, Хөгжлийн хөтөлбөр, Хүүхдийн сан, Гамшгийн эрсдэлийг бууруулах газар зэрэг НҮБ-ын төрөлжсөн агентлагуудтай гамшгийн эрсдэлийг бууруулах, гамшгийн хор уршгийг арилгах, хүмүүнлэгийн тусламж үйлчилгээ үзүүлэх чиглэлээр хамтран ажиллаж байна.
2025/04/10
Шинэ мэдээТөсөл хэрэгжүүлэх нэгжид ажлын байрны нээлттэй сонгон шалгаруулалтад оролцохыг урьж байна
“Монгол Улсад гамшгийн зарлан мэдээллийн нэгдсэн тогтолцоог бэхжүүлэх төсөл”-ийг хэрэгжүүлэх нэгжид орчуулагч-захиргааны ажилтны ажлын байрны нээлттэй сонгон шалгаруулалтыг зарлаж байна.
