Булган аймгийн хэмжээнд он гарсаар 25 удаагийн гамшиг, аюулт үзэгдэл, ослын тохиолдол бүртгэгдсэн нь өнгөрсөн оны мөн үетэй харьцуулахад 22 хувиар буурчээ.

Өнгөрсөн онд гамшгаас хамгаалах ангиллын сургалтыг 429 удаа зохион байгуулж, 17084 хүнийг хамруулсан бол он гарсаар эхний улирлын байдлаар 38 удаагийн сургалтад 1930 хүнийг хамруулаад байна.

Мөн алба хаагчдын нийгмийн баталгааг хангах, ажиллах орчин нөхцлийг сайжруулах хүрээнд үе шаттай арга хэмжээг хэрэгжүүлж, бүтээн байгуулалтын ажлыг хийж байгааг танилцууллаа. 

ОБЕГ-ын дарга, хошууч генерал Г.Ариунбуян аймгийн Онцгой байдлын газрын үйл ажиллагаатай танилцасны дараа алба хаагчдад байгууллагын бодлого, үйл ажиллагаа, авч хэрэгжүүлж байгаа арга хэмжээг танилцуулж, ажлын амжилт хүслээ.