Онцгой байдлын ерөнхий газраас “Аврагч нохой хөтлөгчийн анхан шатны сургалт”-ыг ОБЕГ-ын харьяа Үндэсний аврах бригадад зохион байгуулж байна.

Сургалтад төв, орон нутгийн Онцгой байдлын газар, хэлтсийн 12 алба хаагч хамрагдаж байгаа бөгөөд зургаан сарын хугацаанд үргэлжлэх юм.

 Сургалтын ажиллагаанд ОБЕГ-ын Гамшгаас хамгаалах сургалтын газрын хэлтсийн дарга, дэд хурандаа Э.Энх-Амгалан, Үндэсний аврах бригадын захирагчийн штабын дарга, хурандаа У.Ганхөлөг нар амжилт хүслээ.