Онцлох мэдээ

  • Ой, хээрийн түймрээс сэрэмжлүүлж байна

    Он гарсаар өнөөдрийн байдлаар 14 аймгийн 48 суманд 66 удаагийн ой, хээрийн түймэр гараад байгаа нь өнгөрсөн жилийн мөн үетэй харьцуулахад ой, хээрийн түймэр 10 дахин өсөөд байгаа юм. 2013-2014 оны өвөл ихэнх нутгаар цас бага орсон, түүнчлэн нилээд дулаарч, хуурайшилт ихтэй байгаа нь ой, хээрийн түймэр гарах гол шалтгаан болж байна. Түймрийн эрсдэл бүхий бүс нутгаар хуурайшилт аюултай буюу нэн аюултай зэрэглэлд хүрч байгаа учраас иргэд, аж ахуйн нэгж байгууллагыг ой, хээрийн түймрээс урьдчилан сэргийлэхийг Онцгой байдлын ерөнхий газарас онцгойлон анхааруулж байна.  Цаг агаарын урьдчилсан мэдээллээр ч дөрөв, тавдугаар сар хуурайшилт ихтэй, үе үе хүчтэй салхи шуургатай байх төлөвтэй байна. Тиймээс хуурайшилт ихтэй, салхи шуургатай үед иргэд асаасан гал, шүдэнз, татсан тамхиа бүрэн унтраах, Ил задгай гал түлэхгүй байх, үнс нурмаа ухсан нүх, тагтай битүү саванд хийж занших хэрэгтэйг анхааруулж байна.

    Өнгөрсөн амралтын өдрүүдэд ой, хээрийн түймэр 3 аймгийн 8 сумын нутагт гарсан. Үүнд: Онцгой байдлын албаны 89 албан хаагч, 10 автомашин, орон нутгийн 582 иргэн, 63 автомашин, нийт 671 хүн, 73 автомашинтайгаар түймрийг унтраах ажиллагаанд оролцсон.    Үүнд,

           Дорнод аймгийн Баян-Уул сумын 1 дүгээр багийн нутаг /сумын төвөөс зүүн урд зүгт 40 км-т/ “Бооны-Ар” гэдэг газар хээрийн түймэр гарсан. Уг түймэр нь мөн аймгийн Баяндун, Цагаан-Овоо, Сэргэлэн зэрэг 3 сумын нутагт тархсан.

        Тус аймгийн Онцгой байдлын хэлтсийн албан хаагчид, Баян-Уул Баяндун, Цагаан-Овоо, Сэргэлэн, Баянтүмэн, Хөлөнбуйр, Хэрлэн сумдын иргэд нийт 447 хүн, 45 автомашинтайгаар ажиллаж, Баян-Уул, Сэргэлэн, Цагаан-Овоо сумын түймрийг унтрааж, Баяндун сумын түймрийг цурманд оруулсан. Одоогоор хохирлын мэдээ гараагүй байна. 

           Булган аймгийн Бүрэгхангай сумын 3 дугаар багийн нутаг /сумын төвөөс зүүн зүгт 45 км-т/ “Ар тээл” гэдэг газар ой, хээрийн түймэр гарсан тухай дуудлагаар аймгийн Онцгой байдлын газрын  албан хаагчид, орон нутгийн иргэд нийт 86 хүн ажиллаж түймрийг унтраасан.

           Хэнтий аймгийн Жаргалтхаан сумын 4 дүгээр багийн нутаг /сумын төвөөс зүүн хойд зүгт 25 км-т/ “Тэнхлэгийн-Ус” гэдэг газар хээрийн түймэр гарсан тухай дуудлагаар аймгийн Онцгой байдлын газрын албан хаагчид, орон нутгийн иргэдтэй хамтран ажиллаж, түймрийг унтраасан.

           Хэнтий аймгийн Өмнөдэлгэр сумын Баянзүрх багийн нутаг /сумын төвөөс баруун хойд зүгт 75 км-т/ “Элэгний нүүрстэйн дэв” гэдэг газар хээрийн түймэр гарсан тухай дуудлагаар аймгийн Онцгой байдлын газрын албан хаагчид орон нутгийн иргэдтэй хамтран ажиллаж, түймрийг унтраасан.

           Дорнод аймгийн Чулуунхороот сумын Дэлгэр багийн нутаг /сумын төвөөс баруун урд зүгт 3 км-т/ “Булгийн хоёр” гэдэг газар хээрийн түймэр гарсан тухай дуудлагаар сумын 45 иргэн ажиллаж, түймрийг унтраасан байна.

    1213866_350 эгштуж

    Ой, хээрийн түймрээс сэрэмжлүүлж байна
  • Иж бүрэн шалгалт зохион байгуулж байна

    Монгол Улсын Гамшгаас хамгаалах талаарх бодлого, хөтөлбөр, шийдвэрийн хэрэгжилт, байгууллагын үйл ажиллагааны явц, байдал, Онцгой байдлын ерөнхий газрын даргын өгсөн үүргийн биелэлт, шалгалт хийж үнэлэлт, дүгнэлт өгөх, үйл ажиллагааны төлөвлөсөн үр дүнд хүргэхэд дэмжлэг үзүүлэх, зөвлөмж гаргаж байгууллагын үйл ажиллагааг сайжруулах зорилгоор Баян-Өлгий, Дархан-Уул, Дундговь, Дорноговь, Увс, Ховд аймгийн Онцгой байдлын газар, хэлтэс, улсын нөөцийн салбарт иж бүрэн шалгалтыг зохион байгуулж байна.

    ОБЕГ-ын дэд дарга, онцгой байдлын хурандаа Т.Бадралаар ахлуулсан ажлын хэсэг Дорноговь, Дундговь аймгийн Онцгой байдлын хэлтэс, ОБЕГ-ын Тамгын газрын дарга, онцгой байдлын хурандаа Д.Алтангэрэлээр ахлуулсан ажлын хэсэг Нийслэлийн онцгой байдлын газар, Баян-Өлгий, Увс, Ховд аймгийн Онцгой байдлын газар, хэлтэс, ОБЕГ-ын Санхүү, ар талын газрын дарга, онцгой байдлын дэд хурандаа М.Энх-Амараар ахлуулсан ажлын хэсэг Дархан-Уул аймгийн Онцгой байдлын газарт тус тус иж бүрэн албаны шалгалт хийн ажиллаж байна.

    Иж бүрэн шалгалт зохион байгуулж байна
  • Цасан болон шороон шуурганаас сэрэмжлүүлж байна

    Цаг уурын байгууллагаас ирүүлсэн мэдээгээр 04 дүгээр сарын 22-нд баруун зүгийн нутгийн баруун хэсгээр, 23-нд нутгийн баруун хагаст, 24-нд ихэнх нутгаар, 25-нд нутгийн зүүн хагаст хур тунадас, уулархаг нутгаар цас орж, салхи 22-нд Алтайн салбар уулс, Арц богдын өвөрхоолойгоор, 23, 24-нд ихэнх нутгаар, 25-нд говь, тал хээрийн нутгаар 18-20 м, зарим үед 24-26 м хүрч хүчтэй шороон болон цасан шуурга шуурах төлөвтэй байна. Иймд:

    Иргэд, малчид, тээврийн хэрэгслийн жолооч та бүхэн;

    -Шуурганд төөрөх, малтайгаа уруудах, осгох, амь насаа алдах зэрэг эрсдэлээс урьдчилан сэргийлж, хүүхдийг хараа хяналтгүй орхихгүй байх, түүнчлэн малын бэлчээрлэлтэд анхаарах,

    -Хүчтэй салхи шуурганы үеэр автозамд хальтиргаа гулгаа үүсч, үзэгдэх орчин түр хугацаагаар хязгаарлагдах хүндрэлүүд үүсдэг тул мэргэжлийн байгууллагаас гаргасан цаг агаарын мэдээллийг үндэслэн ажил төрлөө зөв зохицуулах, хол, ойрын замд гарахдаа тээврийн хэрэгслийн найдвартай байдлыг сайтар хангаж, бензин, шатахууны нөөцтэй, дулаан хувцаслахыг анхааруулж байна.

    Цасан болон шороон шуурганаас сэрэмжлүүлж байна

Ой хээрийн түймрийн үед харилцан ажиллагааг зохион байгуулах нэгдсэн сургуулийг зохион байгуулав

Ой хээрийн түймрийн үед харилцан ажиллагааг зохион байгуулах нэгдсэн сургуулийг зохион байгуулав

Ой, хээрийн түймэр гарсан үед гамшгаас хамгаалах мэргэжлийн байгууллагуудын харилцан ажиллагааг уялдуулж, үүссэн хор уршгийг түргэн шуурхай арилгах зорилгоор “Ой хээрийн түймрийн үед харилцан ажиллагааг зохион байгуулах” сэдэвт нэгдсэн сургуулийг Чин...

Иж бүрэн шалгалт зохион байгуулж байна

Иж бүрэн шалгалт зохион байгуулж байна

Монгол Улсын Гамшгаас хамгаалах талаарх бодлого, хөтөлбөр, шийдвэрийн хэрэгжилт, байгууллагын үйл ажиллагааны явц, байдал, Онцгой байдлын ерөнхий газрын даргын өгсөн үүргийн биелэлт, шалгалт хийж үнэлэлт, дүгнэлт өгөх, үйл ажиллагааны төлөвлөсөн үр д...

Онцгой байдлын цаг 11

Онцгой байдлын цаг 11