Онцлох мэдээ

  • ОБЕГ-ын даргаар Т.Бадрал томилогдлоо

    Засгийн газрын ээлжит хуралдаанаар төрийн зарим байгууллагын удирдлагыг чөлөөлж, шинээр томилсон шийдвэр гаргалаа.

    Дээрх шийдвэрийн дагуу ОБЕГ-ын дарга, онцгой байдлын хурандаа Т.Дуламдоржийг үүрэгт ажлаас нь чөлөөлж,  онцгой байдлын хурандаа Т.Бадралыг томиллоо.Тус албанд 2004 оноос хойш ажиллаж, 2009 оноос өнөөдрийг хүртэл тус газрын дэд даргын албыг хашиж байсан туршлагатай боловсон хүчин юм.

    ОБЕГ-ын дарга, онцгой байдлын хурандаа Т.Бадрал ОБЕГ-ын даргын үүрэгт ажлыг хүлээлгэн өгсөн, онцгой байдлын хурандаа Т.Дуламдорж болон ОБЕГ-ын нийт бие бүрэлдэхүүнд хандан “Өнгөрсөн 3 жилийн хугацаанд манай аврагч, гал сөнөөгч нар нийтдээ 9000 хүний амь насыг аварсан гэсэн дүн гарч байна. Өнгөрсөн 2 жилийн хугацаанд Онцгой байдлын алба маань 10 жилийн ойгоо тэмдэглэлээ, хууль эрх зүйн маш том шинэчлэл хийж байгаа. Энэ нөсөр их ажлыг хийж, зохион байгуулж ажилласан Дуламдорж даргадаа та бүхнийхээ өмнөөс талархал илэрхийлье” хэмээн онцлон хэллээ.

    IMG_6616

    ОБЕГ-ын даргаар Т.Бадрал томилогдлоо
  • Улсын онцгой комиссын 2015 оны анхны хурал боллоо

    Хурлын эхэнд Улсын онцгой комиссын шинэчлэгдсэн бүрэлдэхүүнд Монгол Улсын Шадар сайд, Улсын онцгой комиссын дарга У.Хүрэлсүх үнэмлэхийг нь гардуулан өглөө. Энэ комисст 10 сайд, 1 дэд сайд, 2 Төрийн нарийн бичгийн дарга, Үндэсний аюулгүй байдлыг хангах тусгайлсан чиг үүрэгтэй байгууллагууд болон зайлшгүй шаардлагатай агентлагийн дарга нар багтдаг юм.

    Бүрэлдэхүүн шинэчлэгдсэнтэй холбогдуулан комиссын ажиллах журам, хийсэн ажлын талаар Улсын онцгой комиссын Нарийн бичгийн дарга, онцгой байдлын хурандаа М.Энх-Амар танилцуулга хийлээ.

    Монгол Улсын Шадар сайд комиссын даргаар ажиллах болсон 2009-2014 онд Улсын онцгой комисс 59, комиссын Ажлын хэсэг 21 удаа хуралдаж албан даалгавар 17, тогтоол 9, комиссын даргын тушаал 17-г гаргаж, Засгийн газрын 75 удаагийн хуралд асуудал хэлэлцүүлсэн байна. Түүнчлэн, Засгийн газрын нөөц сангаас нийт 62,5 тэрбум төгрөгийн хөрөнгө гаргуулан хүн ам, мал амьтан, орчныг гамшгийн аюулаас аврах, хор уршгийг арилгах, хойшлуулшгүй сэргээн босгох ажиллагаанд зарцуулжээ.

    Энэ жилийн өвөл, хаврын цаг агаарын төлөв байдлын талаар Ус, цаг уур, орчны шинжилгээний газрын дарга, Улсын онцгой комиссын гишүүн Д.Цогт-Очир мэдээлэл өглөө.

    1,3 дугаар сард ихэнх нутгаар олон жилийн дунджаас 0,5-1 хэмээр дулаан байх, 2 дугаар сард нутгийн баруун хагаст дунджаас ахиу, бусад нутгаар дунджийн орчим цас орох төлөвтэй байна. Шинэ он гарсаар баруун болон говийн аймгуудын цасгүй байгаа нутгуудаар өдөртөө нэмэх градус давж дулаарсан. Дулаан байгаагаас шалтгаалан хуурайшилт ихэсч түймэр гарах, цасан бүрхүүл багатайн улмаас мал, амьтан усгүйдэж болзошгүй. Түүнчлэн, томоохон голуудын мөс бүрэн хөлдөөгүй байгаа тул баталгаатай зам, гүүрээр зорчих хэрэгтэйг иргэдэд анхаарууллаа.

    Эдгээр мэдээлэл болон комиссын бүрэлдэхүүн шинэчлэгдсэнтэй холбогдуулан Шадар сайд, Улсын онцгой комиссын дарга У.Хүрэлсүх хэд хэдэн чиглэлээр үүрэг өглөө.

    Комиссын гишүүд үүрэн холбооны утсаа байнга нээлттэй байлгаж, хурал зарласан цагт шуурхай цуглах, аймаг, нийслэлийн Засаг дарга нар анхаарал хариуцлагаа өндөржүүлж ажиллах, шийдвэрлэх шаардлагатай хөрөнгийн асуудлуудыг Засгийн газрын хуралдаанд оруулж хэлэлцүүлэх зэрэг үүргийг холбогдох гишүүдэд даалгалаа. Түүнчлэн, эбола вирусын халдвараас урьдчилан сэргийлэх, бэлтгэл бэлэн байдлыг хангах ажил хангалтгүй байгаад анхаарч, энэ ажлын тайланг танилцуулахыг Эрүүл мэнд, спортын сайдад үүрэг болголоо.

    IMG_6592

    IMG_6597

    IMG_6585

    Улсын онцгой комиссын 2015 оны анхны хурал боллоо
  • Байнгын ажиллагаатай зөвлөлийн бүрэлдэхүүнийг шинэчлэн баталж, ажлын албыг байгууллаа

    Байнгын ажиллагаатай зөвлөлийн бүрэлдэхүүнийг шинэчлэн баталж, ажлын албыг байгууллаа
  • “Говийн чоно-2015” дасгал сургуулийн бэлтгэл уулзалт боллоо

    “Говийн чоно-2015” дасгал сургуулийн бэлтгэл уулзалт боллоо

Үр дүнгийн гэрээнд гарын үсэг зурлаа

Үр дүнгийн гэрээнд гарын үсэг зурлаа

Монгол Улсын Шадар сайд У.Хүрэлсүх өнөөдөр өөрийн эрхлэх асуудлын хүрээний зургаан агентлагийн удирдлагатай хамтран ажиллах үр дүнгийн гэрээг байгуулан гэрээнд гарын үсэг зурлаа. Монгол Улсын Шадар сайд У.Хүрэлсүх агентлагийн удирдлагуудад хандан, эд...

Спортын төрлөөр өрсөлдлөө

Спортын төрлөөр өрсөлдлөө

Галын байгууллага үүсч байгуулагдсаны 93 жилийн ойн хүрээнд албан хаагчдын чөлөөт цагийг зөв боловсон өнгөрүүлэх зорилгоор Снукер биллъяард, Ширээний теннис, гар бөмбөгийн тэмцээн зохион байгууллаа. Тэмцээнд 80 гаруй тамирчид авхаалж самбаа хурд хүчэ...

Өвчтөн Б H1N1 вирусийн халдварын вирусээр өвчлөөгүй нь батлагдав

Өвчтөн Б H1N1 вирусийн халдварын вирусээр өвчлөөгүй нь батлагдав

        Баян-Өлгий аймгийн Өлгий сумын харъяат 4 иргэн томуугийн A хүрээний H1N1 вирусийн халдвар авсан болох нь тогтоогдсон. Тус аймгийн Онцгой комиссын хуралдааны шийдвэрийг үндэслэн аймгийн хэмжээн...