Цунамийн аюулын түгшүүрийг Японы зүүн эргийн дагуу болон АНУ-ын Аляска, Калифорни, Орегон муж улсуудад зарлажээ
Парамушир арлын Умард Курил хотын эргийн бүсэд (Курилийн арлууд, Сахалин муж) цунамийн гурван давлагаа орж иржээ. Сүүлчийн давлагаа хүчтэй байсан бөгөөд боомтод бэхлээтэй байсан усан онгоцуудыг далайн хоолой руу түрж оруулсан гэж хотын захирагч Александр Овсянников мэдээлсэн байна.
"Цунамийн эхний давлагаа эрэг рүү 200 орчим метрт орж ирсний дараа дахин хоёр давлагаа ирсэн, хоёр дахь нь сул байсан бол гурав дахь нь илүү хүчтэй байсан аж. Сүүлчийн давлагаа усан онгоцуудыг хоолой руу түрж гаргаж, боомтын дэд бүтэц эвдэрсэн" гэж тэрбээр мэдээлжээ.
Оросын Онцгой байдлын яамнаас мэдээлснээр, Умард Курил хотын боомт, мөн "Алаид" загасны үйлдвэр усанд автжээ. Хотын оршин суугчдыг цунамийн аюул бүрэн арилтал өндөр газар руу нүүлгэн шилжүүлсэн байна.
Камчаткийн орчимд өнөө өглөө1952 оноос хойших хамгийн хүчтэй буюу 8.7 магнитудын газар хөдлөлт бүртгэгдсэн бөгөөд 7.5 хүртэлх магнитудын хүчтэй чичирхийллүүд нэг сарын турш үргэлжлэх төлөвтэй байгааг судлаачид мэдээлжээ. Цунамийн аюулын түгшүүрийг Японы зүүн эргийн дагуу, мөн АНУ-ын Аляска, Калифорни, Орегон муж улсуудад зарласан байна.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/07/30
Шинэ мэдээШадар сайд Н.Номтойбаяр: Онцгой байдлын салбарын хууль эрх зүйн орчин, цалин хөлс, урамшууллын тогтолцоог сайжруулна
Үүнээс гадна Онцгой байдлын салбарын алба хаагчдын хөдөлмөрийн үнэлэмжийг нэмэгдүүлэх, цалин хөлс, урамшууллын тогтолцоог сайжруулах, нийгмийн баталгааг хангах эрх зүйн орчныг боловсронгуй болгоход онцгой анхаарч ажиллахаа илэрхийлэв.
2025/07/30
Шинэ мэдээАжиллагааны шуурхай штаб удирдлага, зохион байгуулалтаар ханган ажиллаж байна
“Ажиллагааны шуурхай штаб” нь гамшгаас хамгаалах улсын алба, яам, агентлаг, аймаг, сум, дүүргийн Онцгой комиссын үйл ажиллагаанд мэргэжил, аргазүйн дэмжлэг үзүүлж, удирдлага, зохион байгуулалтаар хангаж, гамшиг, аюулт үзэгдэл, ослоос урьдчилан сэргийлэх, хүн, хүч, хэрэгслийг тодотгож, томилгоожуулах, үүссэн нөхцөл байдалд үнэлгээ, дүгнэлт хийж, шийдвэр гаргах арга хэмжээг хэрэгжүүлэх юм.
