ДХИС-ийн харьяа “Ахлагч” мэргэжлийн боловсролын сургуулийн мэргэжлийн боловсрол олгох нэг жилийн “Аврагч”, Онцгой байдлын сургуулийн “Онцгой байдал-Гамшгаас хамгаалах алба” мэргэжлийн хөтөлбөрт хамрагдаж байгаа  сонсогчид Налайх дүүргийн 5, 6 дугаар хороо, Горхи-тэрэлжийн байгалийн цогцолборт газрын “Бүүвэйтийн босоо хад”, “Сайханы саравч” газрын орчимд хээрийн дадлага, сургалтад хамрагдлаа. 

Энэ удаагийн хээрийн дадлага, сургалтын хүрээнд Налайх дүүргийн 6 дугаар хороо “Бүүвэйтийн босоо хад”-д ой, хээрийн түймэр унтраах, амьд үлдэх ур чадвар эзэмших, амилуулах суурь тусламж үзүүлэх, эрэн хайх, аврах ажиллагааг гүйцэтгэх, тусгай аврах ажиллагааг зохион байгуулах ур чадварыг эзэмшсэн юм. 

Харин Налайх дүүргийн 5 дугаар хороо, “Сайхны саравч” гэх газар ус болон тогтмол уснаас эрэн хайх аврах ажиллагааны дадлагыг зохион байгуулж, онолын мэдлэг, ур чадвараа бататгалаа.