Нийгмийн асуудлыг шийдвэрлэх олон талт арга хэмжээг хэрэгжүүлжээ
ОБЕГ-ын дарга, хошууч генерал Г.Ариунбуян Завхан аймгийн Онцгой байдлын газар, хэлтэс, анги, салбаруудад ажиллаж, алба хаагчдад байгууллагын бодлого, зорилт, хэрэгжүүлж байгаа төсөл, хөтөлбөрүүдийг танилцуулж, санал бодлыг сонслоо.
Аймгийн Онцгой байдлын газар нь нийгмийн баталгааг хангах хүрээнд үе шаттай арга хэмжээг хэрэгжүүлж, 5 давхар 20 айлын орон сууцыг хөнгөлөлттэй үнээр барьж, Засаг даргын захирамжаар 4 айлын газар хашаа, нэг алба хаагчдад байрны урьдчилгааг тус тус шийдвэрлүүлэн, алба хаагчдыг хамруулсан.
Албаны бэлтгэл, бэлэн байдлыг дээшлүүлэх, мэргэжлийн ур чадварыг нэмэгдүүлэх хүрээнд 7 хоног бүрийн пүрэв гарагийг албаны сургалтын өдөр болгож, мэргэжлийн сургалт, дадлагыг тогтмол зохион байгуулж байна.
Онцгой байдлын газрын дэргэдэх "Хүүхдийн цэцэрлэг" нь 3 багш 2 бүлгийн 53 хүүхэдтэй бол тусгай хэрэгцээтэй 10 хүүхэд 3 багштай өдөр өнжүүлэхэд хамрагдаж байгаа юм. Онцгой байдлын байгууллагын “Хүүхэд хамгааллын бодлого”-ын хүрээнд Онцгой байдлын газарт хүүхэд хамгааллын өрөөг тохижуулах ажлыг эхлүүлжээ.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/04/18
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/04/18
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/04/18
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
