Мэндчилгээ
Туурга тусгаар улсынхаа туг сүлд нь болж, эх орон, ард иргэдийнхээ аюулгүй байдлын манаанд цаг мөнхөд зогссон Онцгой байдлын байгууллагын нийт алба хаагчид, тэдний гэр бүл, үр хүүхэд, ард иргэд та бүхэндээ Анхдугаар Үндсэн хуулиа баталж, Бүгд найрамдах Улсаа тунхагласны түүхт 100 жилийн ойн баярын мэндийг хүргэе.
Энэ өдөр бол ард иргэдийнхээ эрх чөлөөг хуульчлан хамгаалж, улс төр, эдийн засаг, эрдэм соёл юугаа дэлхийн жишиг, нийтийн байдлын шинэ ёсонд дэвшүүлэх үндсийг тавьсан олон талын гүн утга агуулга, учир холбогдлоороо үндэсний ой санамжаас үл мартагдах, эрх чөлөөт иргэн бүрийн бахархан дурсах учиртай түүхэн өдөр билээ.
Тусгаар тогтносон бүрэн эрхт Монгол Улсын иргэн гэсэн бахархам омогшлоор хүн бүр сэтгэл зүрхээ хөглөж, эв эеийг сахиж, өргөсөн тангарагтаа үнэнчээр зүтгэж, өөдрөг гэгээн маргаашийн төлөө хамтдаа хичээж, хамтдаа алхана гэдэгт итгэлтэй байна. Монгол Улс үеийн үед мандан бадрах болтугай.
ОНЦГОЙ БАЙДЛЫН ЕРӨНХИЙ ГАЗРЫН ДАРГА, ХОШУУЧ ГЕНЕРАЛ Г.АРИУНБУЯН
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2024/11/26
Шинэ мэдээАжиллагааны шуурхай штаб удирдлага, зохион байгуулалтаар ханган ажиллаж байна
“Ажиллагааны шуурхай штаб” нь гамшгаас хамгаалах улсын алба, яам, агентлаг, аймаг, сум, дүүргийн Онцгой комиссын үйл ажиллагаанд мэргэжил, аргазүйн дэмжлэг үзүүлж, удирдлага, зохион байгуулалтаар хангаж, гамшиг, аюулт үзэгдэл, ослоос урьдчилан сэргийлэх, хүн, хүч, хэрэгслийг тодотгож, томилгоожуулах, үүссэн нөхцөл байдалд үнэлгээ, дүгнэлт хийж, шийдвэр гаргах арга хэмжээг хэрэгжүүлэх юм.
2024/11/26
Шинэ мэдээБайгууллагын үйл ажиллагаа, төсөл, хөтөлбөр болоод хэрэгжүүлж байгаа арга хэмжээ, гамшиг, ослын нөхцөл байдалтай танилцлаа
Он гарсаар дөрөвдүгээр сарын 06-ны өдрийн байдлаар 1282 удаагийн аюулт үзэгдэл, осол тохиолдож, Онцгой байдлын байгууллагын алба хаагчид 1570 хүн, урьдчилсан байдлаар 116.9 тэрбум төгрөгийн эд хөрөнгийг авран хамгааллаа.
2024/11/26
Шинэ мэдээНийслэлийн 2 дүүрэг, 8 аймгийн 21 суманд 25 удаагийн ой, хээрийн гал түймэр бүртгэгдээд байна
Дээрх түймэрт ойн 704 га, хээрийн 58.615 га нийт 59.319 га талбай өртсөн бол ой, хээрийн түймрийн аюулаас 26 гэр, 19 өвөлжөө, хашаа саравч авран хамгаалж, 3 айл өрхийн 8 иргэн, 2000 орчим малыг нүүлгэн шилжүүллээ.
