Гамшиг, ослоос урьдчилан сэргийлэх, тэмцэх үйл ажиллагааг зохион байгуулахад харилцаа холбооны чиглэлэээр хамтран ажиллах санал солилцов

A- A A+

Онцгой байдлын ерөнхий газар, Юнител групп хамтран урьдчилан сэргийлэх, эрсдэлийг бууруулахад ард иргэдэд гамшиг, ослоос урьдчилан сэргийлэх мэдээлэл түгээхэд хамтран ажиллаж байна.Хамтын ажиллагааны хүрээнд өнөөдөр цаашид хэрэгжүүлэх ажлын талаар санал солилцох уулзалтыг зохион байгуулав.

Уулзалтад ОБЕГ-ын дарга, хошууч генерал Г.Ариунбуян, Урьдчилан сэргийлэх газрын дарга, хурандаа Ц.Уранчимэг, "Юнител групп"-ийн Гүйцэтгэх захирал Д.Жамъяншарав, тус группийн Байгууллагын бизнес хариуцсан дэд захирал Б.Энхтүвшин нарын холбогдох албаныхан оролцлоо.

Уулзалтын хүрээнд технологийн чиглэлээр сургалт зохион байгуулах, дата хадгалалт, кибер аюулгүй байдал, гамшгийн үеийн нэгдсэн системийн чиглэлээр хамтран ажиллах талаар санал солилцсон юм.

Мөн тус группийн “Номадиа пикчерс продюсинг” ХХК нь нийгмийн хариуцлагын хүрээнд гамшгаас урьдчилан сэргийлэх, эрсдэлийг бууруулах, ард иргэдэд мэдлэг, мэдээлэл олгох зорилгоор ”101” 10 ангит баримтат киног бүтээн, олны хүртээл болгоод байна.

Тус кино нь бодит үйл явдал дээр тулгуурлан Онцгой байдлын байгууллагын алба хаагчид тэр дундаа аврагчид дуудлага мэдээлэлд хэрхэн ажилладаг, ямар саад бэрхшээл тулгардаг талаар бодитоор харуулсан бүтээл юм.

Энэхүү киног тус группийн Look tv болон “Юнивишн” ХХК-ийн IPTV үйлчилгээний Монгол кино багцад үнэгүй байршуулаад байна.

 

Уг нийтлэлийн бүх текстүүдийг хуулах
Уг нийтлэлийн бүх зургийг татах

Бусад мэдээлэл

Ахмад Б.Ариунтунгалаг “Химийн аюулгүй байдалд тулгамдаж буй асуудал, шийдвэрлэх арга зам” сэдвээр аюулгүй байдлын ухааны докторын зэрэг хамгааллаа

Энэхүү судалгааны ажил нь химийн аюулгүй байдлыг хангах нь улс орны дотоод аюулгүй байдлыг хангах нэг бүрэлдэхүүн болохыг тодорхойлж,  түүний аюулгүй байдлыг хангахад нөлөөлөх хүчин зүйл, үүрэг оролцоог нарийвчлан судалж, химийн аюулгүй байдал болон химийн аюулгүй байдлын онолын тодорхойлолтуудыг боловсруулж дэвшүүлсэн гэдгээрээ онолын ач холбогдолтой юм. 

Аюулт үзэгдэл ослын нөхцөл байдлын мэдээ

Аюулт үзэгдэл ослын нөхцөл байдлын мэдээ

Мөсөн дээгүүр явганаар болон авто тээвэр хийхгүй байхыг онцгойлон анхааруулж байна

Цаг уурын байгууллагын гаргасан мэдээгээр хоёрдугаар сарын хоёрдугаар арав хоногийн байдлаар манай орны дунд болон томоохон голуудын мөсний зузаан өөрчлөлт багатай байгаа бол жижиг голууд ёроолдоо хүртэл хөлдсөн хэвээр байна.