Өнгөрсөн хоногт: Нийт нутгаар цаг агаар тогтуун байлаа.

   Өнөөдөр: Ихэнх нутгаар үүлшинэ. Төвийн аймгуудын ихэнх нутаг, баруун аймгуудын нутгийн зүүн, говийн аймгуудын нутгийн өмнөд, зүүн аймгуудын нутгийн хойд хэсгээр бороо, уулаараа хур тунадас орно. Говь болон зүүн аймгуудын нутгааар баруун өмнөөс, бусад нутгаар баруун өмнөөс хойш эргэж 5-10 м/с, өдөртөө Алтайн салбар уулс болон говь, тал, хээрийн нутгаар 15-17 м/с хүрч ширүүснэ. Дархадын хотгор, Монгол-Алтайн уулархаг нутгаар +11...+16 градус, Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Эг, Үүр, Орхон, Сэлэнгэ, Хараа, Ерөө, Туул, Тэрэлж голын хөндийгөөр +17...+22 градус, говийн бүс нутгийн зүүн хэсэг, Дорнод-Дарьгангын тал нутгаар +26...+31 градус, бусад нутгаар +21...+26 градус дулаан байна.

  Улаанбаатар хотод:   Үүлшинэ, бага зэргийн бороо орно, салхи баруун өмнөөс хойш эргэж 5-10 м/с, зарим үед 12-14 м/с хүрч ширүүснэ, +19...+21 градус дулаан байна.

Төлөв байдал:  4-нд Хэнтийн уулархаг нутаг, Хэрлэн, Онон, Улз, Халх голын хөндийгөөр, 6-нд говийн аймгуудын нутгийн зүүн өмнөд хэсгээр, 7-нд баруун аймгуудын нутгийн баруун хэсгээр бороо орно. Салхи 4-нд говь, талын нутгаар 15-17 м/с хүрч ширүүснэ. 5-наас ихэнх нутгаар дулаарч Монгол-Алтайн уулархаг нутаг, Завхан голын эх, Хүрэнбэлчир орчмоор шөнөдөө 0...+5 градус, өдөртөө +18...+23 градус, Их нууруудын хотгор, говийн бүс нутгийн өмнөд хэсгээр шөнөдөө +12...+17 градус, өдөртөө +29...+34 градус, бусад нутгаар шөнөдөө +6...+11 градус, өдөртөө +23...+28 градус дулаан байна.

Гал түймэр:

Улаанбаатар хот, Баянгол дүүрэг 25 дугаар хороо байшин шатаж байна гэсэн дуудлагыг 09.02-ны өдрийн 15:43 цагт хүлээн авсан. Сонгинохайрхан дүүргийн Онцгой байдлын хэлтсийн Гал түймэр унтраах, аврах 26 дугаар ангийн  алба хаагчдыг очиход иргэн Г-ийн 10х27 хэмжээтэй агуулахын өргөтгөлийн 1 давхрын дулаалгын хөөсөнцөр шатаж байсныг  унтраасан.  

Дархан-Уул аймаг, Дархан сум 5 дугаар баг байшин шатаж байна гэсэн дуудлагыг 09.02-ны өдрийн 17:42 цагт хүлээн авсан. Тус аймгийн Онцгой байдлын газрын Гал түймэр унтраах, аврах 54 дүгээр ангийн алба хаагчдыг очиход иргэн М-ын 11х5 метрийн хэмжээтэй байшингийн дээврийн хэсэг шатаж байсныг ажиллаж унтраасан. 

Өмнөговь аймаг, Цогтцэций сум (Тавантолгой) Өгөөмөр баг мотоцикл шатаж байна гэсэн дуудлагыг 09.02-ны өдрийн 20:40 цагт хүлээн авсан.  Тус аймгийн Онцгой байдлын газрын Цогтцэций сум дахь Онцгой байдлын хэлтсийн Гал түймэр унтраах, аврах 44 дүгээр ангийн алба хаагчдыг очиход иргэн Ц-ын  мотоцикл шатаж байсныг ажиллаж унтраасан.

Хүний үйл ажиллагаатай холбоотой осол.

Улаанбаатар хот, Баянзүрх дүүрэг 35 дугаар хороо суудлын автомашин суусан тухай дуудлагыг 09.02-ны өдрийн 15:30 цагт хүлээн авсан. Нийслэлийн Аврах ангийн алба хаагчдыг очиход иргэн Д/52 настай, эрэгтэй/ нь “Corolla” загварын  автомашин жолоодож байгаад “Улиастай”-н голын усанд суулгасан байсныг  татан гаргасан.  

ОНЦГОЙ БАЙДЛЫН ЕРӨНХИЙ ГАЗАР