Кубад 6.1 магнитудын хүчтэй газар хөдөлжээ
Куба улсын баруун хэсэгт зургадугаар сарын 8-ны өдөр 6.1 магнитудын хүчтэй газар хөдөлж, Хавана хотын байшин барилгуудад чичиргээ нь мэдрэгдэв. Хүний амь хохирсон, бэртэж гэмтсэн тухай мэдээлэл одоогоор алга байна. Газар хөдлөлтийн голомт нийслэлээс баруун зүгт далайн гүнд 10 км-т байсныг АНУ-ын Геологийн судалгааны хүрээлэн мэдээлэв.
Газар хөдлөлтийн чичиргээ Флоридад хүртэл мэдрэгдсэн аж. Майами дахь Үндэсний цаг уурын алба хэд хэдэн удаагийн чичиргээ бүртгэгдсэнийг мэдээлсэн бөгөөд олон нийтийн мэдээллийн хэрэгслээр иргэдийн сэтгэгдлүүд ч харагдах болжээ. "Fort Lauderdale"-д амьдардаг нэгэн хүний мэдэгдсэнээр чичиргээ нэг минут орчим үргэлжилсэн байна.
АНУ-ын Геологийн судалгааны хүрээлэнгийн геофизикч Виллиам Барнхартын мэдээлснээр, энэ удаагийн газар хөдлөлт нэн ховор тохиолдол аж. Мексикийн булангийн газар хөдлөлтийг орчин үеийн багаж тоног төхөөрөмжөөр 1950-аад оноос хойш бүртгэж эхэлсэн бөгөөд энэ удаагийнх хамгийн томоохон хэмжээний газар хөдлөлт болж байна.
ЭХ СУРВАЛЖ: AP
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2026/06/09
Шинэ мэдээҮер, усны ослоос урьдчилан сэргийлэх "Бүү бас" аяныг улсын хэмжээнд өрнүүлж эхэллээ
Аялал, зугаалгын улирал эхэлсэнтэй холбогдуулан үер, усны ослоос урьдчилан сэргийлэх ажлыг эрчимжүүлэх хүрээнд Онцгой байдлын ерөнхий газраас "Усыг бүү бас" аяныг улсын хэмжээнд өрнүүлж эхэллээ.
2026/06/09
Шинэ мэдээАймаг, сумдын гамшгаас хамгаалах төлөвлөгөөг бодит нөхцөлд туршин, тодотгол хийлээ
Монгол Улсын Шадар сайдын баталсан хуваарийн дагуу Онцгой байдлын ерөнхий газраас Архангай аймагт “Орон нутгийн Онцгой комисс, гамшгаас хамгаалах алба, мэргэжлийн анги, сайн дурын хэсэг, хүмүүнлэгийн байгууллага, хуулийн этгээдийн гамшгаас хамгаалах төлөвлөлт, бэлэн байдал, тэдгээрийн харилцан ажиллагаа” сэдэвт гамшгаас хамгаалах иж бүрэн сургуулийг энэ сарын 10-12-ны өдрүүдэд зохион байгууллаа.
2026/06/09
Шинэ мэдээГамшгаас хамгаалах иж бүрэн сургуулийн хүрээнд штабын дадлага хийлээ
Энэхүү иж бүрэн сургуулийн хүрээнд аймаг, сум, багийн түвшний удирдлага, гамшгаас хамгаалах алба, мэргэжлийн ангиудын харилцан ажиллагаа, мэдээлэл солилцоо, шийдвэр гаргалтын шуурхай байдал, хүч хэрэгслийн татан төвлөрүүлэлт, нүүлгэн шилжүүлэлт, түр байршуулалт, эмнэлгийн яаралтай тусламж, эрэн хайх, аврах ажиллагаа, гал түймэр унтраах, үер усны аюулаас хамгаалах, холбоо мэдээллийн тасралтгүй ажиллагааг дадлагажуулсан гэдгээрээ онцлог юм.
