Монгол Улсын Шадар сайд Н.Номтойбаяр, Хойд бүсийн төв-Орхон аймгийн Онцгой байдлын газарт ажиллах үеэрээ Шадар сайдын эрхлэх асуудлын хүрээн дэх бүсчилсэн хөгжлийн бодлого, чөлөөт бүсийн хөгжлийн асуудлаар санал солилцлоо.

Тухайлбал, Уулын баяжуулах “Эрдэнэт үйлдвэр” ТӨҮГ- ын ололт амжилтыг бататгахын зэрэгцээ бүс нутагт эдийн засгийн шинэ платформ бий болгох шаардлагатай байгааг онцлоод эдийн засгийн шинэ гарц, тээврийн коридор бий болгох асуудлыг нэг цонхны бодлогод тусган хэрэгжүүлэхийг анхааруулав. 

Мөн Гамшгаас хамгаалах тухай болон Улсын нөөцийн тухай хуульд нэмэлт, өөрчлөлт оруулж, гамшгаас урьдчилан сэргийлэх тогтолцоог сайжруулах, Онцгой байдлын байгууллагын техник, тоног төхөөрөмжийн шинэчлэлд анхаарч ажиллаж байгааг илэрхийлсэн юм.