Малчин өрхийн хаваржилтын нөхцөл байдалтай танилцаж, анхаарах асуудлын талаар санал солилцов
Ган, зудын гамшгийн эрсдэлийн ерөнхий үнэлгээний аргачлалыг сайжруулах, орон нутаг, малчдын түвшинд эмзэг байдал гамшигтай тэмцэх чадавхын үзүүлэлтийг сайжруулах, шинэчлэх хүрээнд аймаг, сум, малчин өрхийн хаваржилтын нөхцөл байдалтай газар орон дээр нь танилцаж судалгаа мэдээлэл цуглуулах, судлах, зөвлөмж, санал боловсруулах ажлын хэсгийн бүрэлдэхүүн энэ сарын 01-10-ны өдрүүдэд орон нутагт ажиллалаа.
УОК-ын даргын тушаалаар ОБЕГ-ын Эрсдэлийн удирдлагын газрын хэлтсийн дарга, хурандаа Д.Базаррагчаагаар ахлуулсан ажлын хэсэгт ОБЕГ, ХХААХҮЯ, ГБХНХЯ, ЦУОШГ, МЭЕГ, НҮБ-ын Хүнс нөдөө аж ахуйн байгууллагын төлөөллүүд багтсан юм.
Ажлын хэсгийн бүрэлдэхүүн Дундговь аймгийн Мандалговь, Эрдэнэдалай, Өвөрхангай аймгийн Арвайхээр, Сант, Баянгол, Баянхонгор аймгийн Өлзийт сум, Говь-Алтай, Ховд аймгийн Дарви, Зэрэг сум, Увс аймгийн Сагил сум, Завхан аймгийн Сонгино, Тосонцэнгэл, Архангай аймагт ажиллаж аймаг, сумын орон нутгийн удирдлага, Онцгой комиссын бүрэлдэхүүнтэй уулзалт хийж, өвөлжилтийн дараах одоогийн нөхцөл байдал, хаваржилтын бэлтгэл, цаашид авч хэрэгжүүлэх арга хэмжээ, анхаарах асуудлын талаар санал солилцлоо.
Түүнчлэн зарим сумын сургууль, цэцэрлэг, дотуур байрны нөхцөл байдалтай танилцахын зэрэгцээ өвөлд хүндрэлтэй орсон 8 аймгийн малчин өрхөөр орж, МУЗН-ийн өрхийн хэрэгцээнд шаардлагатай хүнсний багцыг хүргэсэн юм.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2026/04/10
Шинэ мэдээҮер, усны ослоос урьдчилан сэргийлэх "Бүү бас" аяныг улсын хэмжээнд өрнүүлж эхэллээ
Аялал, зугаалгын улирал эхэлсэнтэй холбогдуулан үер, усны ослоос урьдчилан сэргийлэх ажлыг эрчимжүүлэх хүрээнд Онцгой байдлын ерөнхий газраас "Усыг бүү бас" аяныг улсын хэмжээнд өрнүүлж эхэллээ.
2026/04/10
Шинэ мэдээАймаг, сумдын гамшгаас хамгаалах төлөвлөгөөг бодит нөхцөлд туршин, тодотгол хийлээ
Монгол Улсын Шадар сайдын баталсан хуваарийн дагуу Онцгой байдлын ерөнхий газраас Архангай аймагт “Орон нутгийн Онцгой комисс, гамшгаас хамгаалах алба, мэргэжлийн анги, сайн дурын хэсэг, хүмүүнлэгийн байгууллага, хуулийн этгээдийн гамшгаас хамгаалах төлөвлөлт, бэлэн байдал, тэдгээрийн харилцан ажиллагаа” сэдэвт гамшгаас хамгаалах иж бүрэн сургуулийг энэ сарын 10-12-ны өдрүүдэд зохион байгууллаа.
2026/04/10
Шинэ мэдээГамшгаас хамгаалах иж бүрэн сургуулийн хүрээнд штабын дадлага хийлээ
Энэхүү иж бүрэн сургуулийн хүрээнд аймаг, сум, багийн түвшний удирдлага, гамшгаас хамгаалах алба, мэргэжлийн ангиудын харилцан ажиллагаа, мэдээлэл солилцоо, шийдвэр гаргалтын шуурхай байдал, хүч хэрэгслийн татан төвлөрүүлэлт, нүүлгэн шилжүүлэлт, түр байршуулалт, эмнэлгийн яаралтай тусламж, эрэн хайх, аврах ажиллагаа, гал түймэр унтраах, үер усны аюулаас хамгаалах, холбоо мэдээллийн тасралтгүй ажиллагааг дадлагажуулсан гэдгээрээ онцлог юм.
