Хийн ослын үед хариу арга хэмжээ авах чадавхыг нэмэгдүүлэх сургалт эхэллээ
Онцгой байдлынн ерөнхий газраас КОIKA Монгол дахь суурин төлөөлөгчийн газрын дэмжлэгтэйгээр Ашигт малтмалын газар, БНСУ-ын Хийн аюулгүй байдлын корпорац (KGS)-тай хамтран “Хийн ослын хариу арга хэмжээ” сэдэвт сургалтыг энэ сарын 04-06-ны өдрүүдэд зохион байгуулж байна.
Сургалтын нээлтийн ажиллагаанд ОБЕГ-ын дэд дарга, хурандаа Ц.Уранчимэг, Ашигт малтмалын газрын газрын тос, бүтээгдэхүүний газрын дарга Ч.Чулуунбат, БНСУ-ын Хийн аюулгүй байдлын корпорацийн сургалтын төвийн захирал И Жэ Юун, КОIKA-ийн Монгол дахь суурин төлөөлөгчийн газрын орлогч дарга Со Хёнжэ нар оролцож, сургалтын үйл ажиллагаанд амжилт хүслээ.
Хурандаа Ц.Уранчимэг хэлсэн үгэндээ “Онцгой байдлын байгууллагын алба хаагч бүрийн мэргэжлийн ур чадвар бол үндэсний аюулгүй байдлын баталгаа. Осолд зөв шийдвэр гаргах чадвар, сахилга бат, хариуцлага нь хүний амь нас, эрүүл мэнд, эд хөрөнгийг хамгаалах үндсэн хүчин зүйл" хэмээн онцолж, БНСУ нь хийн аюулгүй байдлын салбарт дэвшилтэт туршлага, системчилсэн хяналт, шуурхай удирдлагын тогтолцоо-г амжилттай хэрэгжүүлж байгааг тэмдэглэж, хамтын ажиллагаа, туршлага солилцооны ач холбогдлыг онцлон дурдсан юм.
Хийн осол нь дэлбэрэлт, гал түймэр, хордлого зэрэг богино хугацаанд их хэмжээний хохирол учруулах өндөр эрсдэлтэй тул ослын үеийн удирдлага, нөхцөл байдлын үнэлгээ, анхны хариу арга хэмжээ нь хохирлыг бууруулах хамгийн чухал хүчин зүйл болдог. Тиймээс энэхүү сургалт нь хийн ослын үед шуурхай, оновчтой, системтэй хариу арга хэмжээ авах мэдлэг, ур чадварыг дээшлүүлэх, команд-штабын зохион байгуулалт, шийдвэр гаргалтыг сайжруулахад чиглэж байна.
Сургалтыг онол–практик хосолсон хэлбэрээр зохион байгуулах бөгөөд
• Хийн аюулгүй байдлын тогтолцоо
• Хийн ангилал, шаталтын онцлог
• Хийн ослын шалтгаан, механизм (алдагдал–хуримтлал–асалт–дэлбэрэлт)
• Ослын үеийн удирдлага, зохион байгуулалт
• Гамшгаас хамгаалах менежментийн 4 шатлалт арга хэмжээ (урьдчилан сэргийлэлт–бэлэн байдал–хариу арга хэмжээ–сэргээн босголт) гэсэн сэдвийн хүрээнд бодит нөхцөлд хэрэгжихүйц дадлага, арга зүйг алба хаагчдад олгох юм.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2026/03/04
Шинэ мэдээАймаг, сумдын гамшгаас хамгаалах төлөвлөгөөг бодит нөхцөлд туршин, тодотгол хийлээ
Монгол Улсын Шадар сайдын баталсан хуваарийн дагуу Онцгой байдлын ерөнхий газраас Архангай аймагт “Орон нутгийн Онцгой комисс, гамшгаас хамгаалах алба, мэргэжлийн анги, сайн дурын хэсэг, хүмүүнлэгийн байгууллага, хуулийн этгээдийн гамшгаас хамгаалах төлөвлөлт, бэлэн байдал, тэдгээрийн харилцан ажиллагаа” сэдэвт гамшгаас хамгаалах иж бүрэн сургуулийг энэ сарын 10-12-ны өдрүүдэд зохион байгууллаа.
2026/03/04
Шинэ мэдээГамшгаас хамгаалах иж бүрэн сургуулийн хүрээнд штабын дадлага хийлээ
Энэхүү иж бүрэн сургуулийн хүрээнд аймаг, сум, багийн түвшний удирдлага, гамшгаас хамгаалах алба, мэргэжлийн ангиудын харилцан ажиллагаа, мэдээлэл солилцоо, шийдвэр гаргалтын шуурхай байдал, хүч хэрэгслийн татан төвлөрүүлэлт, нүүлгэн шилжүүлэлт, түр байршуулалт, эмнэлгийн яаралтай тусламж, эрэн хайх, аврах ажиллагаа, гал түймэр унтраах, үер усны аюулаас хамгаалах, холбоо мэдээллийн тасралтгүй ажиллагааг дадлагажуулсан гэдгээрээ онцлог юм.
2026/03/04
Шинэ мэдээБүгд найрамдах Тажикстан улсын төлөөлөгчид дуурайлган үзүүлэх болон нүүлгэн шилжүүлэх дадлага сургуультай танилцав
Архангай аймагт зохион байгуулсан гамшгаас хамгаалах иж бүрэн сургуулийн тактикийн үзүүлэх дадлагад аймаг, сумдын Онцгой комисс, гамшгаас хамгаалах алба, мэргэжлийн анги, эрүүл мэнд, цагдаа, төрийн болон төрийн бус нийт 14 байгууллагын 207 хүн, 27 техник хэрэгсэлтэйгээр оролцож, гамшгийн үеийн хариу арга хэмжээ, хамтын ажиллагаа, шуурхай удирдлагын зохион байгуулалтыг дээшлүүллээ.
