Онцгой байдлын салбарын хамтын ажиллагааг өргөжүүлэхэд анхаарч ажиллана
Монгол Улсын Шадар сайд Х.Ганхуяг Австрали Улсаас Монгол Улсад суугаа Онц бөгөөд Бүрэн эрхт Элчин сайд Лео Зэнгийг хүлээн авч уулзлаа.
Уулзалтаар хоёр улсын харилцаа сүүлийн жилүүдэд тогтвортой хөгжиж улс төрийн харилцааны түвшин ахиж, бүхий л салбарт хамтын ажиллагаа өргөжиж байгааг онцлоод цаашдын хамтын ажиллагааны талаар санал солилцсон юм.
Монгол Улсын Шадар сайд Онцгой байдлын салбарт ихээхэн анхаарч гамшгийн эрсдэлийг бууруулах сайн туршлагыг судалж хэрэгжүүлэх, шинэ инновацыг нэвтрүүлэх, гамшгийн эрсдэлийг бууруулах үйл ажиллагааг шинэ шатанд хүргэх, улс орны гамшгийг даван туулах чадавхыг бий болгох хамтын ажиллагааг идэвхжүүлэх нь чухал байгааг онцоллоо.
Уулзалтын үр дүнд цаашид хоёр улсын харилцааны түвшинг ахиулж, боловсрол, хөдөө аж ахуй, мал аж ахуй, бүс нутгийн хөгжил болоод Онцгой байдлын салбарын үйл ажиллагааг өргөжүүлэх, харилцан ашигтай бүхий л салбарт хамтын ажиллагааг хөгжүүлэх үйл ажиллагаанд идэвхтэй анхаарч ажиллахаа илэрхийлэв.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2026/02/04
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2026/02/04
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2026/02/04
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
