Онцгой байдлын ерөнхий газраас Зам, тээврийн улсын албанд /Зам, тээврийн яам/ гамшгаас хамгаалах бэлэн байдлын үзлэгийг аравдугаар сарын 21-22-ны өдрүүдэд зохион байгуулахаар бэлтгэл ажлыг ханган ажиллаж байна.

Энэ хүрээнд ОБЕГ-ын Ажиллагааны удирдлагын газраас “Зам, тээврийн хөгжлийн төв” ТӨҮГ-ын 40 гаруй ажилтан, алба хаагчдад мэдээлэл өглөө.

Алба хаагчид гамшгаас хамгаалах үйл ажиллагаа, бэлэн байдлын үзлэгийн зохион байгуулалт, улсын алба, мэргэжлийн ангийн чиг үүрэг, гамшгаас хамгаалах төлөвлөлтийн талаар танилцуулж, мэргэжил, аргазүйн зөвлөгөө өгч ажиллалаа.