Алба хаагчдын хувцас хэрэглэлийн стандартыг шинэчлэх ажлын хүрээнд хэлэлцүүлэг зохион байгууллаа
“Стандарт ба хөгжил” үндэсний хөтөлбөр, Онцгой байдлын байгууллагын 2025 онд дэвшүүлсэн I зорилтын хүрээнд Онцгой байдлын байгууллагын алба хаагчдын хувцас, хэрэглэлийн чанар, аюулгүй байдлыг сайжруулах, орчин үеийн дэвшилтэт технологи, материалын шийдэл нэвтрүүлэх зорилгоор холбогдох стандартуудыг шинэчлэх, шаардлагатай шинэ стандартуудыг боловсруулж батлуулах ажлыг үе шаттайгаар хэрэгжүүлж байна.
Энэ хүрээнд ОБЕГ-ын даргын тушаалаар ажлын хэсгийг байгуулж, холбогдох судалгаа, стандартын төслийн боловсруулалтыг хийж байгаа юм.
Стандартын төслийг илүү бодит хэрэгцээнд нийцсэн, боловсронгуй болгох зорилгоор ОБЕГ-ын Санхүү, ар талын газар, ажлын хэсэг хамтран нийслэлийн хүрээний болон орон нутгийн Онцгой байдлын байгууллагын алба хаагчдын дунд хэлэлцүүлэг өрнүүллээ.
Хэлэлцүүлэгт нийслэлийн хүрээний 200 гаруй алба хаагч танхимаар, орон нутгийн газар, хэлтсийн алба хаагчид цахимаар оролцож, санал бодлоо илэрхийлж, стандартын төслийг сайжруулах чиглэлээр бодит санал, туршлагаасаа хуваалцсан юм.
Хэлэлцүүлгийн үр дүнд гарсан саналуудыг нэгтгэн, байгууллагын онцлог, алба хаагчдын аюулгүй ажиллагаа, тав тухыг бүрэн хангах зорилгоор шинэ стандартын төслийг боловсронгуй болгон батлуулна.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/10/16
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/10/16
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/10/16
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
