ОБЕГ-ын Гамшгаас хамгаалах сургалтын газар, Гал түймэртэй тэмцэх газраас хойд болон төвийн бүсийн анги, байгууллагын Гал түймрийн улсын хяналтын байцаагч, ахлах байцаагч нарын сургалтыг энэ сарын 09-10-ны өдрүүдэд зохион байгууллаа.

Сургалтад Архангай, Булган, Дархан-Уул, Орхон, Сэлэнгэ, Төв аймгийн гал түймрийн улсын хяналтын байцаагч, ахлах байцаагч нарын 20 гаруй алба хаагч хамрагдсан юм.

Алба хаагчдад гал түймрийн улсын хяналт шалгалтыг хэрэгжүүлэх, гал түймрийн хэрэг бүртгэл, зөрчил шалган шийдвэрлэх ажиллагааг зохион байгуулах, цаашид анхаарах асуудал, шинээр батлагдсан хууль, дүрэм, журам, заавар стандартыг танилцуулж, барилга байгууламжид хяналт, шалгалтыг газар дээр нь хийж, мэдлэг, туршлага солилцлоо.

Мөн албан үүргээ гүйцэтгэхэд шаардлагатай шинжээчийн цүнх, энгэрийн камерыг гардуулж, холбогдох үүрэг чиглэлийг өгсөн юм.