“Амилуулах суурь болон лавшруулах тусламж” сэдэвт сургалтад хамрагдлаа
Олон Улсын “EMS Global Foundation” байгууллага, Нийслэлийн түргэн тусламжийн төвтэй хамтран зохион байгуулж байгаа “Амилуулах суурь болон лавшруулах тусламж” сэдэвт сургалтад Онцгой байдлын байгууллагын эмч, аврагч, гал сөнөөгчид хамрагдлаа.
Австрали Улсын “EMS Global” олон улсын байгууллагын хамтын ажиллагааны хүрээнд Канад, Англи, Австралийн парамедикийн 7 сургагч багш нар удирдан зохион байгуулж байгаа тус сургалтад нийслэлийн Түргэн тусламжийн төв болон ОБЕГ, Цэргийн анги, орон нутгийн нийт 80 орчим ажилтан, алба хаагч оролцсон юм.
Сургалтаар амьсгалын зам чөлөөлөх, амьсгалуулах үндсэн ба орчин үеийн дэвшилтэд аргууд, цус алдалтыг боолтоор хянах, шархны боолт хийх арга техник, аарцгийн бэхэлгээ хийх, чихэлдэлт пневмотораксын цээжний хөндийн даралт бууруулах арга техник сэдвийн хүрээнд онолын мэдлэг олгож, дадлагын дууриалган үзүүлэх хэлбэрээр зохион байгуулж, онолын мэдлэг, практикийн ур чадвараа нэмэгдүүллээ.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/10/10
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/10/10
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/10/10
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
