Сахилга, ёс зүй, хөдөлмөрийн аюулгүй байдлыг хангахад анхаарч ажиллахыг үүрэг болголоо
ОБЕГ-ын тэргүүн дэд дарга бөгөөд штабын дарга, бригадын генерал Ц.Ганзориг Баянхонгор аймгийн Онцгой байдлын газрын үйл ажиллагаатай танилцаж, алба хаагчдад гамшгаас хамгаалах үйл ажиллагаа, албаны бэлтгэл, бэлэн байдлыг хангах бичиг баримт, төсөл хөтөлбөрүүд болоод алба хаагчдын үүрэг гүйцэтгэх чадавх, нийгмийн баталгааг хангах чиглэлээр хэрэгжүүлж байгаа бодлогын талаар мэдээлэл өглөө.
Энэ үеэр аймгийн Онцгой байдлын газрын дарга, хурандаа Д.Бат-Эрдэнэ байгууллагын хэмжээнд хийж хэрэгжүүлсэн үйл ажиллагааны тайланд Бууцагаан сум дахь Гал түймэр унтраах, аврах 72 дугаар ангийн засварын ажлыг орон нутгийн сангаас 20 сая төгрөгийг шийдвэрлүүлэн, алба хаагчдын ажиллах нөхцөлийг сайжруулсан гэдгийг онцолсон юм.
Орон нутгийн Засаг захиргаатай харилцан хамтын ажиллагааг жигдрүүлэх, байгууллагын үйл ажиллагаанд ашиглаж байгаа багаж, техник хэрэгслийг ашиглах, хадгалалт хамгаалалтыг сайжруулах, алба хаагчдын цэрийн алба зохион байгуулалт, сахилга ёс зүй, хөдөлмөрийн аюулгүй байдал, эрүүл ахуйг сайжруулах зэргээр албаны бэлтгэл, бэлэн байдлыг хангаж ажиллахыг бригадын генерал Ц.Ганзориг үүрэг болголоо.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/10/06
Шинэ мэдээАжиллагааны шуурхай штаб удирдлага, зохион байгуулалтаар ханган ажиллаж байна
“Ажиллагааны шуурхай штаб” нь гамшгаас хамгаалах улсын алба, яам, агентлаг, аймаг, сум, дүүргийн Онцгой комиссын үйл ажиллагаанд мэргэжил, аргазүйн дэмжлэг үзүүлж, удирдлага, зохион байгуулалтаар хангаж, гамшиг, аюулт үзэгдэл, ослоос урьдчилан сэргийлэх, хүн, хүч, хэрэгслийг тодотгож, томилгоожуулах, үүссэн нөхцөл байдалд үнэлгээ, дүгнэлт хийж, шийдвэр гаргах арга хэмжээг хэрэгжүүлэх юм.
2025/10/06
Шинэ мэдээБайгууллагын үйл ажиллагаа, төсөл, хөтөлбөр болоод хэрэгжүүлж байгаа арга хэмжээ, гамшиг, ослын нөхцөл байдалтай танилцлаа
Он гарсаар дөрөвдүгээр сарын 06-ны өдрийн байдлаар 1282 удаагийн аюулт үзэгдэл, осол тохиолдож, Онцгой байдлын байгууллагын алба хаагчид 1570 хүн, урьдчилсан байдлаар 116.9 тэрбум төгрөгийн эд хөрөнгийг авран хамгааллаа.
2025/10/06
Шинэ мэдээНийслэлийн 2 дүүрэг, 8 аймгийн 21 суманд 25 удаагийн ой, хээрийн гал түймэр бүртгэгдээд байна
Дээрх түймэрт ойн 704 га, хээрийн 58.615 га нийт 59.319 га талбай өртсөн бол ой, хээрийн түймрийн аюулаас 26 гэр, 19 өвөлжөө, хашаа саравч авран хамгаалж, 3 айл өрхийн 8 иргэн, 2000 орчим малыг нүүлгэн шилжүүллээ.
