Онцгой байдлын ерөнхий газар, Оюутолгой ХХК-тай 2017 оноос хойш гамшигтай тэмцэх, харилцан туршлага солилцох чиглэлээр хамтран ажиллаж байна.

Энэ хүрээнд ОБЕГ-ын дэргэдэх Уул уурхайн аврах 09 дүгээр ангийн Эрэн хайх, аврах салбарын алба хаагчид “Оюу толгой” ХХК-ийн гүний уурхайн аврах багтай хамтарсан дадлага, сургалтыг энэ сарын 21-24-ний өдрүүдэд зохион байгууллаа.

Дадлага, сургалтаар аврагчдын мэргэжлийн ур чадварыг дээшлүүлэх, уул уурхайн ослын үед аврах ажиллагааг богино хугацаанд үр дүнтэй зохион байгуулах харилцан туршлага солилцож, “Оюу толгой” ХХК-ийн гүний уурхайд ашиглагдаж байгаа дэвшилтэт технологитой танилцсан юм.