Хүмүүнлэгийн багийн ээлжит хуралдаанаар хамтын ажиллагааны талаар санал солилцлоо
Онцгой байдлын ерөнхий газар, НҮБ-ын Монгол Улс дахь суурин зохицуулагчийн газар хамтран ахалдаг олон улсын Хүмүүнлэгийн багийн ээлжит хуралдаан боллоо.
Хурлыг ОБЕГ-ын тэргүүн дэд дарга бөгөөд штабын дарга, бригадын генерал Ц.Ганзориг, НҮБ-ын Монгол Улс дахь суурин зохицуулагч Яаап Вэн Хайердэн нар хамтран удирдсан юм.
Энэ үеэр бригадын генерал Ц.Ганзориг Монгол Улс уур амьсгалын өөрчлөлтийн нөлөөнд ихээр өртөж байгааг тэмдэглээд, “Байгалийн гамшгийн давтамж, хамрах хүрээ, хор уршиг жилээс жилд өсч байгаа нь урьдчилан сэргийлэх болон бэлтгэл хангах ажлыг илүү нягт хамтын ажиллагаатай хэрэгжүүлэх шаардлагатай байна. Мөн Монгол орны хөдөө аж ахуй, ялангуяа мал аж ахуйд үзүүлж байгаа сөрөг нөлөөллийг дурдан, хүмүүнлэгийн багийн хамтын ажиллагаа иргэдийн амьжиргааг хамгаалахад чухал үүрэгтэй” хэмээн онцоллоо.
Уулзалтад НҮБ-ын төрөлжсөн байгууллагууд болон хүмүүнлэгийн багийн гишүүд оролцож, ой, хээрийн түймрийн нөхцөл байдал, хариу арга хэмжээ, өвлийн цаг агаарын урьдчилсан төлөв, өвөлжилтийн бэлтгэл болон цаг үеийн бусад мэдээлэлтэй танилцсан юм.
Мэдээлэлтэй холбогдуулан цаашид өвөлжилт хүндэрсэн тохиолдолд авч хэрэгжүүлэх хамтарсан арга хэмжээ, өвөлжилтийн бэлтгэлийг хангах чиглэлээр санал, зөвлөмж солилцлоо.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/09/23
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/09/23
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/09/23
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
