Онцгой байдлын алба хаагчид зуны спортын XVI наадамд амжилттай оролцлоо
Монголын бүх ард түмний зуны спортын XVI наадам Улаанбаатар хот, Баянхонгор аймагт амжилттай болж өндөрлөлөө. Наадмын шигшээ тэмцээнд 21 аймаг, есөн дүүргийн 291 дасгалжуулагч, 3258 тамирчин спортын 28 төрлийн 210 зай, жин, ангилалд 879 багц медалийн төлөө өрсөлдсөн юм.
Тус наадмын Буудлагын 25м спорт гар бууны төрөлд ОБЕГ-ын Аврагч биеийн тамир, техник-спортын хороо, 120 дугаар ангийн тамирчин, ахлах дэслэгч Т.Баярцэцэг алтан медаль, 10м хийн гар бууны төрөлд мөнгөн медаль хүртлээ.
Харин хөнгөн атлетикийн төрөлд Зүүн бүсийн төв Дорнод аймгийн Онцгой байдлын газрын Шуурхай удирдлага, зарлан мэдээлэх тасгийн холбоо зарлан мэдээлэл хариуцсан мэргэжилтэн, ахлах дэслэгч П.Оюунзаяа 100м гүйлтэд шигшээ наймд багтаж, 4х400 холимог төрөлд дөрөвдүгээр байрт шалгарсан амжилтыг үзүүлсэн юм.
Мөн Боксын эрэгтэйчүүдийн 55 кг-ын жинд Төв аймгийн Онцгой байдлын газрын Гал түймэр унтраах, аврах 75-р ангийн аврагч, гал сөнөөгч, дэд ахлагч Л.Даваадорж алтан медаль, Пауэрлифтингийн насанд хүрэгчдийн +84 кг-ын жинд Баянхонгор аймгийн Онцгой байдлын газрын тамирчин, ахлах ахлагч Т.Сарнай хүрэл медаль тус тус хүртлээ.
Уг нийтлэлийн бүх текстүүдийг хуулах
Уг нийтлэлийн бүх зургийг татах
Бусад мэдээлэл
2025/09/23
Шинэ мэдээАмьсгалын бие даасан төхөөрөмжийн засварчдын сургалт, дадлагыг зохион байгууллаа
Алба хаагчдад амьсгалын бие даасан төхөөрөмжтэй ажиллах үеийн аюулгүй ажиллагаа, гал түймэр унтраах, аврах ангийн өдөр тутмын үйл ажиллагаа, даралтад сав төхөөрөмжлөх аюулгүй ашиглах дүрэм, химийн бодисын тухай үндсэн ойлголт, түүний хор аюул, хамгаалах хувцас хэрэгсэл, барилгын материалын галын аюул ба утааны эрсдэл сэдвийн хүрээнд онолын мэдлэг олгосон юм.
2025/09/23
Шинэ мэдээЭрхэлсэн ажилдаа эзэн нь болсон эрхэм генерал
Би 1967 онд Булган аймгийн Булган хотод төрсөн. 1975 онд аймгийн 8 жилийн II дунд сургуульд суралцаж, VIII ангиасаа Улаанбаатар хотод шилжин нийслэлийн Ажилчны районы 10 жилийн 41 дүгээр бүрэн дунд сургуульд орж, 1985 онд 10 дугаар ангиа төгсөөд Цэргийн нэгдсэн дээд сургуулийн Улс төрийн ангийг 1989 онд төгссөн. Тэр цагаас хойш миний амьдрал мөрдэстэй, жагсаалын талбайтай, мөн төрийн захиргааны ажилтай эргэж буцалтгүй холбогджээ гэдгээр бидний яриа эхэлсэн юм.
2025/09/23
Шинэ мэдээЭрүүл мэндийн улсын алба, харьяа мэргэжлийн ангиудын удирдлагуудтай уулзалт хийлээ
Засгийн газрын 2026 оны 11 дүгээр тогтоол, Шадар сайдын баталсан хуваарь, төлөвлөгөөний дагуу Онцгой байдлын ерөнхий газраас ирэх тавдугаар сарын 13-15-ны өдрүүдэд Эрүүл мэндийн болон сурталчилгааны улсын албанд Гамшгаас хамгаалах команд штабын сургуулийг зохион байгууллахаар бэлтгэл ажлыг хангаж байна.
