Цаг агаар:

Өнгөрсөн хоногт: Нийт нутгаар цаг агаар тогтуун байлаа.

Өнөөдөр: Нутгийн хойд хэсгээр үүлшинэ, бусад нутгаар багавтар үүлтэй. Монгол-Алтайн уулсаар ялимгүй хур тунадас орно, бусад нутгаар хур тунадас орохгүй. Салхи төвийн аймгуудын нутгаар баруун өмнөөс хойш эргэж, бусад нутгаар өмнөөс 5-10 м/с. Дархадын хотгор, Алтайн уулархаг нутгаар +10…+15 градус, говийн бүс нутгаар +19...+24 градус, бусад нутгаар +14...+19 градус дулаан байна.

Улаанбаатар хотод: Үүлшинэ, хур тунадас орохгүй. Салхи баруунаас 5-10 м/с, +16...+18 градус дулаан байна.

Төлөв байдал: 20-нд баруун аймгуудын нутгийн баруун хэсгээр, 21-нд баруун аймгуудын нутгийн зарим газар, төвийн аймгуудын нутгийн баруун хэсгээр, 22-нд баруун аймгуудын нутгийн зүүн хэсэг, төвийн аймгуудын ихэнх нутаг болон говийн аймгуудын нутгийн баруун хэсгээр бороо, уулархаг нутгаар нойтон цас орно. Салхи 20-21-нд Алтайн уулархаг нутгаар, 22-нд говь, талын нутгаар 14-16 м/с хүрч ширүүснэ. Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Завхан, Заг-Байдраг голын эх, Идэр, Тэс, Тэрэлж голын хөндийгөөр шөнөдөө -1...-6 градус хүйтэн, өдөртөө +10...+15 градус, говийн бүс нутгийн өмнөд хэсгээр шөнөдөө +5...+10 градус, өдөртөө +22...+27 градус, бусад нутгаар шөнөдөө -1…+4 градус, өдөртөө +16...+21 градус дулаан байна. 21-нд нутгийн баруун хэсгээр, 22-нд ихэнх нутгаар сэрүүснэ.

Гал түймэр: 

Өмнөговь аймаг, Ханбогд сумын Баян багийг чингэлэг шатаж байна гэсэн тухай дуудлагыг 09.17-ны өдрийн 11:23  цагт хүлээн авсан. Тус аймгийн Онцгой байдлын газрын 66 дугаар ангийн алба хаагчдыг очиход иргэн Б-ийн 3х20 метрийн хэмжээтэй 40 тонны багтаамжтай чингэлэг, эд хогшил шатаж байсныг  ажиллаж унтраасан.

Улаанбаатар хот, Сонгинохайрхан дүүрэг 36 дугаар хороо зоорь шатаж байна гэсэн дуудлагыг 09.17-ны өдрийн 18:46 цагт хүлээн авсан. Тус дүүргийн Онцгой байдлын хэлтсийн 26 дугаар ангийн алба хаагчдыг очиход иргэн Т-ын 8х10 метрийн хэмжээтэй байшингийн 2х3 метрийн хэмжээтэй зоорины дулаалгын хөөс шатаж байсныг ажиллаж унтраасан. 

Улаанбаатар хот, Сонгинохайрхан дүүрэг 3 дугаар хороо байшин шатаж байна гэсэн дуудлагыг 09.17-ны өдрийн 20:22 цагт хүлээн авсан. Тус дүүргийн Онцгой байдлын хэлтсийн 26 дугаар ангийн алба хаагчдыг очиход иргэн Г-ын 11х16 метрийн хэмжээтэй байшингийн дээврийн хэсэг шатаж байсныг ажиллаж унтраасан.      

Улаанбаатар хот, Сонгинохайрхан дүүрэг 6 дугаар хороо байшингийн дээвэр шатаж байна гэсэн дуудлагыг 02:05 цагт хүлээн авсан. Тус дүүргийн Онцгой байдлын хэлтсийн 26 дугаар ангийн алба хаагчдыг очиход иргэн У-ын 4х7 метрийн хэмжээтэй байшингийн дээврийн хэсэг, 2х3 метрийн хэмжээтэй үүдний амбаар, эд хогшил шатаж байсныг ажиллаж унтраасан.    

Геологийн гаралтай аюулт үзэгдэл: 

Баянхонгор аймаг, Хүрээмарал сум  Ширээ багийн “Барлагтай” гэдэг газар /сумын төвөөс хойд зүгт 21 км, аймгийн төвөөс баруун хойд зүгт 276 км, 46°36'36.0"N 98°16'12.0"E/ 09.18-ны өдрийн 00:23:09 цагт 3.5 магнитудын хүчтэй газар хөдөлсөн тухай мэдээллийг мөн өдрийн 00:28 цагт ООГХ-ээс хүлээн авсан. Тус аймгийн Онцгой байдлын газраар дамжуулан Барлагтай багийн Засаг дарга болон тухайн газарт нутагладаг малчдаас газар хөдлөлтийн чичирхийлэлийн талаар тодруулахад мэдрэгдээгүй, учирсан хохиролгүй тухай мэдээлсэн.

ОНЦГОЙ БАЙДЛЫН ЕРӨНХИЙ ГАЗАР